Гөлләр өйгә әйтеп бетергесез ямь өсти. Чәчәк ату-атмауларына карамастан, алар үзләренең төрле-төрле ботаклары, сабак-яфраклары белән күзне иркәлиләр, табигатькә мәхәббәт уяталар. Бүлмә гөлләреннән башка өйне күз алдына да китерү мөмкин түгел. Көзгә кереп, урамнар аклыкка төренгәч, алар аеруча да җанга җылы биреп тора, үзләренең яшел яфраклары белән матур җәй көннәрен искә төшерәләр.
Балаларыбыз белән без дә бүлмә гөлләре белән таныштык. Аларның күп төрле икәненә төшендек. Гөлләребезне корган яфраклардан чистарттык, су сиптек һәм ахырдан матур итеп ак кәгазь битенә рәсемнәрен дә ясадык

Бакчабызда гөрләп "Алтын көз" бәйрәме узып китте. Балалар белән көзне каршылап матур җырлар җырладык, шигырьләр сөйләдек, биедек. Бәйрәмебезне ямьләп, кунакка көз сылуы Сөмбелә дә килгән иде. Аның белән уеннар уйнадык, үзебезнең һөнәрләрне күрсәттек. Ахырдан Сөмбелә балаларны тәмле күчтәнәчләре белән сыйлады. Бәйрәмебез бик күңелле узды.

Бакчабызда куркынычсызлык кагыйдәләрен саклау өчен күнекмәләр узды.