Ял һәм хезмәт лагере үз эшен дәвам итте. Балаларны кабул иткәннән соң, аларга көн тәртибе аңлатылды, "Дөрес туклану" темасына әңгәмә үткәрелде. Көннең икенче яртысында ял итүчеләр мәктәп яны участогында эшне дәвам иттеләр: теплицага кыяр утыртылды, чәчәкләргә су сибелде.  Китапханәгә экскурсия оештырылды. Обедтан соң флеш-моб өйрәнелде.

   Бүген - Халыкара балаларны яклау көнендә мәктәп яны лагере ачылды. Лагерьда Ташкичү һәм Мәмсә авылларыннан 16 бала ял итәчәк. Көн яңгырлы булуга карамастан, сәгать иртәнге 8.00 дә мәктәп яны шау-шуга, музыка тавышларына күмелде. Лагерьда ял итүчеләр тантаналы рәвештә, лагерьны ачуда катнаштылар. Лагерь 21 көн буе эшләячәк. Бүгенге көн "Балаларны яклау көне" кысаларында узачак. Алар өчен күңеллеуеннар, әкияти тамаша әзерләнде. тамашаны әзерләүдә авыл китапханәсе һәм Мәдәният йорты хезмәткәрләре катнашты.

        Бүген мәктәбебездә “Акчарлак” исемендәге хезмәт һәм ял лагере эшли башлады. Балаларны лагерьга кабул иткәннән соң, аларга көн тәртибе һәм көндәлек режим аңлатылды, инструктаж үздырылды. Отряд почмагының газетасы чыгарылды. Шулай ук балалар мәктәп яны участогында чәчәклеккә үсентеләр күчерделәр. 

   Лагерьның беренче көне Халыкара балаларны яклау көненә багышланды. Көндезге обедтан соң, ял итүчеләр Мәдәният йорты янына китте. Аларны анда "Спорт сәгате", кызыклы уеннар, флеш-моб көтә иде. Китапханә һәм Мәдәният хезмәткәрләре балаларга кызыклы уеннар, биюләр әзерләгәннәр иде. Укучылар ярышларда катнашып, бүләкләргә ия булып кайттылар. Бәйрәм һәркемгә ошады.

   Бүген мәктәптә 1 нче класс укучыларын 2 нче класса, 9 класс укучыларын дәүләт имтиханнарына дәшеп, соңгы кыңгырау чыңлады. Укучыларны котларга әти-әниләр, ветеран  укытучылар, укучыларның туганнары, авылдашлар килде. Кунаклар укучыларга тырышып укырга, лаеклы алмаш булуларын теләделәр. Чыгарылыш класс укучылары укытучыларга хезмәтләре өчен рәхмәт әйттеләр, киләчәктә мәктәп данын сакларга вәгъдә иттеләр.

   Ташкичү Мәдәнят йортында 20 нче май көнне зур тантана булды. Тантана Ташкичү авылында туып үскән, белем алган, "Бәкер" шифаханәсенең баш врачы Фаяз Ибраһим улы Ибраһимовны искә алуга багышланган иде. Кичәгә Фаяз абыйның тормыш иптәше, балалары, хезмәттәшләре кайтты. Фаяз абыйның яшьлек дуслары, классташлары чыгыш ясады. Бәйрәмдә җырчылар Рөстәм Закиров,Ләйсән Мусиналар, Арча сандугачы Р.галимзяновлар катнашты.

    Кичәне оештыруда Мәдәният йорты, китапханә хезмәткәрләре, өлкәннәр советы рәисе Р.И.Насибуллина, мәктәп китапханәчесе Ф.Ф.Хабибуллиналар башлап йөрде. Кичә бик күңелле булды.

   Бүген Варислар берлеге тагын 13 укучыга артты. Мәктәптә тантанылы рәвештә 13 укучыны Варислар сафына кабул иттек.

    18 май көнне укучыларның психологик халәтләрен өйрәнү, аларга ярдәм оештыру йөзеннән, мәктәпкә соиал яклау идарәсе психологлары килде. Алар укучылар белән әңгәмә оештырдылар, тестлар уздырдылар, үзләренең киңәшләрен бирделәр.

    18 май көнне Яңа Кырлай авылындагы Г.Тукай музеенда укучыларның "Акыл-баттл" уенының чираттагы утырышы булды.  Бу уен Г.Тукай тормышы һәм иҗатына багышланды. Киеренке көрәштә безнең мәктәп командасы 1 нче урынны яулады. Команда составында мәктәп данын 5 класс укучылары Касимова Алсу, Галимзянова Азалия, 7 класс укучысы Ханафиев Айрат һәм 8 класс укучысы Галиев Рәсүл яклады. Рәхмәт сезгә, укучылар!

    16 май көнне Арча шәһәрендә асфальтта рәсем ясау буенча конкурс узды. 5 класс укучысы Хакимзянова Рәшидә бу конкурста "Юл кагыйдәләрен белү" номинациясендә 3 нче урын яулады. 8 класс укучысы Гимадетдинова Рәзилә "Экология елы" номинациясендә, Диплом иясе булды.