7 ноябрь көнне мәктәбебездә Арча шәһәреннән килгән белгечләр белән хокук бозуларны кисәтү буенча түгәрәк өстәл үткәрелде.Кунаклар укучыларга хокук бозу буенча район мәгълүматларына анализ ясадылар, укучыларга профилактик әңгәмә барышында законнарны төшендерделәр. Гинеколог һәм психолог белән дә очрашу булды.

30 октябрь көнне Шушмабаш урта мәктәбенең башлангыч класс укучылары рус теле буенча район олимпиадасына бардылар. Хезмәтебезнең нәтиҗәсе куанычлы булды: ике призер, бер җиңүче белән кайттык. Укучыларыбызга белемнәрне тирән үзләштерүдә уңышлар телибез.

Файдалы яллар

Көзге каникулларны күңелле һәм файдалы үткәрү максатыннан мәктәбебездә төрле чаралар даими узып тора. Бүген дә башлангыч класс укучылары шау-гөр килеп мәктәпкә килде. Алар өчен “Умники и умницы” интеллектуаль бәйге оештырылды, җиңүчеләр билгеләнде. Чара күңелле дискотека белән төгәлләнде.

    Мәктәбебездә "Көзге бал" бәйрәмнәре гөрләп узып китте. 1-4 класслар, 5-8 класслар, 9-11 класслар өчен искиткеч матур, үзенчәлекле сценарийлы бәйрәмдә балалар рәхәтләнеп ял итте. Ахырдан күңелле дискотека үткәрелде. 

26.10.2019 көнне 8 класста ,,Укучыларның теләкләрен һәм мөмкинлекләрен истә тотып һөнәр сайлауда дөрес юнәлеш бирү,, - темасына ата - аналар белән түгәрәк өстәл уздырылды.Эшлекле әңгәмәне класс җитәкчесе Рүзилә Рафиковна һәм ,,Атлас новых профессии,, исемле түгәрәк җитәкчесе Фирая Салиховна бик матур оештырдылар. Очрашу һәркемне уйландырыр, балаларга карата файдага булыр дигэн өметтә калдык. Җылы аралашу, күркәм атмосфера хөкем сөрде. Тәрбия һәм белем алуда бердәм таләпләр белән генә уңышлы нәтижәләргә бирү мөмкинлеген анлатырга тырышты укытучылар.

24 октябрь көнне мәктәптә "Мостай Кәрим-халык шагыйре " дип исемләнгән әдәби-музыкаль композиция үткәрелде. Кичәдә шагыйрьнең үз тавышы белән әсәрләре тыңланды, аның биографиясе, тормыш юлы , иҗаты белән танышу булды.

18 октябрь көнне Арчада  "Дус сыйныф серләре" ата-аналар комитеты конкурсы булып үтте. Конкурста безнең мәктәпнең 7 класс укучылары  әм аларның әти-әниләре катнашты .Команда "Көрәшчеләр" исеме астында чыгыш ясады.  Укучылар һәм әти-әниләр матур чыгышлары , көрәштә җиңеп алынган  медальләр һәм грамоталардан торган күргәзмә,  эшлекле проектлары белән тамашачыларны сөендерделәр.Рәхмәт сезгә!!!

 17 октябрь көнне мәктәбебездә участковый уполномоченный полиции Хисамиев Л.А.  белән очрашу булды. Ленар Альтафович  укучыларга профилактик әңгәмә үткәрде. Юлда йөргәндә куркынычсызлык кагыйдәләре , велосипедта йөрмәү, чит ят кешеләр белән аралашмау,спиртлы эчемлекләр кулланмау ,  кич чыгу  буенча аңлатулар булды. Тәртип бозган өчен җаваплылык төрләре искәртелде.