8 декабрьдә Шушмабаш урта мәктәбендә шушы як зона мәктәпләренең 9-11 класс укучылары белән очрашу булды. Очрашуда район башкарма комитеты җитәкчесе урынбасары Рамиль Гарифҗанов, Казан югары авыл хуҗалыгы уку йортлары вәкилләре, район авыл хуҗалыгы һәм азык-төлек идарәсе, кайбер хуҗалык белгечләре катнашты.

"Самостоятельные дети" акциясе кысаларында һәм 1 декабрь-Бөтендөнья СПИДка каршы көрәш көне уңаеннан укучылар чираттагы акция үткәрделәр: кеше күп йөри торган урыннарга чыгып СПИДның организмга тәэсире турында сөйләделәр, таратма материаллар өләштеләр, акциядә катнашучыларга кызыл ленталар бәйләделәр.

Бүген "Арча" спорткомлексында Бөтенроссия олимпиадасының физкультура буенча практик өлеше үтте.Катнашучы укучыларыбызга уңышлар телибез,алда аларны теоритик биремнәр көтә.

Бөтенроссия информатика олимпиадасының муниципаль дәрәҗәсендә катнашып 1 урын алган 9 класс укучысы  Каримов К. ны һәм 7 класс укучысы Хайруллина Л.не зур җиңүләре белән котлыйбыз!!!

        Бөек шагыйребез, якташыбыз Габдулла Тукайның 130 еллык юбилее уңаеннан  мәктәп күләмендә төрле-төрле чаралар планлаштырылды.  Беренче “карлыгачларыбыз” да бар. Арча муниципаль районы мәгариф идарәсе тарафыннан  “Тукай эзләреннән” исемле фоторәсем-сәяхәт, рәсемнәр конкурсында Самигуллина А. (10 сыйныф) 2 урынга лаек булды. Ә менә 6  сыйныф укучылары “ Бөек Тукаебыз турында инглиз телендә сөйләргә өйрәнәбез!” (ук. Муртазина Ф.С.) дип горурлана алалар.

     Узган атнада 2015 ел-Әдәбият елы уңаеннан театр атналыгы үткәрелде. Мәктәп укучылары бу чарада үзләрен башка яктан ачтылар. Безнең укучылар арасында оста юмор осталары , талантлы театр артистлары, җырчы һәм биючеләр искиткеч күп! Һәр классның чыгышы көчле алкышларга күмелде бу көнне. Сәхнәдә үзләрен иркен тотучы, талантлы яшьләргә сокланып,сөенеп,  горурланып утырды  укытучылар һәм әти-әниләр.

Открытый урок информатики состоялся сегодня в рамках образовательной акции «Час кода». Акция проходит в России с 4 по 13 декабря 2015 года и претендует на звание самого масштабного образовательного мероприятия в области информационных технологий в истории нашей страны.

  2 декабрь көнне Шушмабаш урта мәктәбенең фольклор коллективы  Балтач районында Римма Ибраһимова исемендәге районара  төбәк  иҗат фестивалендә катнашты. Мәртәбәле жюри әгъзалары коллективка югары бәя бирде - мәктәбебез укучылары  2 урынны алып кайтты.Фольклор төркем җитәкчесе Вильданова Г.Ш.га һәм "Аулак өй" җырлы-биюле уен-тамашасын күрсәткән 4нче һәм 5 нче сыйныф  укучыларына зур рәхмәт!

 МХК фәненнән Бөтенроссия олимпиадасының муниципаль этабында катнашып 1 урын алган 10 класс укучысы Гарифуллина  Г.не, 2 урын алган 8 класс укучысы Гараева И.не, 3 урын алган 9 класс укучысы Гарафетдинов Р.не уңышлары белән котлыйбыз!

Информатика укытучысы Нуризянов Э. Т. Иннополис шәһәрендә үткәрелгән семинарда катнашып кайтты.