Сегодня учащиеся нашей школы успешно участвовали в соревновании по бадминтону.

16 октябрьдә Галиәсгар Камал исемендәге Татар дәүләт академия театрында "Белем җәүһәрләре - 2015" бәйгесе җиңүчеләрен бүләкләү тантанасы узды. VI  Бөтендөнья интернет-проектлар бәйгесенең "Күренекле татар җәүһәрләре” номинациясендә физика укытучысы Нуриева Рәмлә Равиловна III урынга лаек булды. Без аны  чын күңелдән котлыйбыз һәм эшендә уңышлар теләп калабыз!

15 октябрь көнне Апаз мәктәбендә Арча педагогия көллиятендә күп еллар буе физик тәрбия укыткан укытучы Бакиров Бари Каюмович 11 класс укучылары белән дәрес күрсәтте.Дәрес  эзлекле рәвештә алып барылды укучылар да каушап калмадылар укытучы кушканнарның барысында үтәделәр.Ветеран укытучыларның дәресләре яшь буынга үрнәк булып торсын иде.

 Яңа уку елында "Могҗизалы иҗат дөньясы" почмагы үз эшен башлап җибәрде. Сәнгать укытучысы Муртазина Ф.С. тәкъдиме белән сәләтле  укучыларның иҗат җимешләре белән укучыларны һәм укытучыларны таныштыру башланды. "Моя первая выставка" дип аталган марафонны 11 сыйныф укучысы Сагдуллина Р. башлап җибәрде.Раилә соңгы елларда ясаган рәсемнәре белән мәктәп укучыларын таң калдырды. Дебютың белән сине!

    10 октябрь көнне "Казан" агропромпаркында республика мәктәп ярминкәсе уздырылды. Ярминкәдә безнең мәктәп коллективы да катнашты. Мәктәп бакчасында үстерелгән продукция ассортименты күптөрле , эстетик зәвыклы  бизәлеш , һәрвакыттагыча, югары дәрәҗәдә оештырылган иде. 

         Хөрмәтле  Рәзилә Габделнуровна!

Максатчан, тырыш җитәкчебез һәм кызыксынучан, иҗади коллегабыз!     

   Сезне чын күңелебездән котлыйбыз. Сезнең зур шатлыгыгызны  эчкерсез уртаклашабыз. Сезгә сокланып иң изге теләкләребезне генә юллыйбыз. Тәнегездә сәламәтлек, күңелегездә тынычлык, гаиләгездә тигезлек булсын. Үзегездәге кебек күркәм сыйфатлар белән нарасыегызны да Ходай юмарт бүләкләсен, сау-сәламәт, бәхетле бала булып үссен.  

    Сезгә кадерле әни, сөекле тормыш иптәше, үз эшенә бирелгән җитәкче булу бик килешә.

Тормышыгызда һәм эшегездә уңышлар теләп ихтирам белән СЕЗНЕҢ  КОЛЛЕКТИВ.

 6 октябрь көнне мәктәбебездә өлкәннәр декадасы уңаеннан "Буыннардан килә безгә кирәк җылы..." дип исемләнгән бәйрәм  булды. Бәйрәмдә Шушмабаш авыл җирлегенең мөхтәрәм өлкән кешеләре-хөрмәтле ветераннар катнашты. Бәйрәмнең 1 нче өлешендә башлангыч класс укучылары бик матур концерт тәкъдим иттеләр. Оныкларының чыгышын көчле алкышларга күмде  әбиләребез һәм бабайларыбыз. Укучылардан соң  сәхнәдә эстафетаны өлкән буын вәкилләре кабул итте. Рәхәтләнеп җырлашып, яшь чакларны  искә төшереп, бер яшьлектә, бер картлыкта дигәндәй, сәхнәдә татарча биеп, чын күңелдән  күңел ачты ветераннарыбыз бу көнне. Бәйрәмнең икенче өлеше исә мул табыннар артында дәвам итте. Мәктәп коллективы, авыл җирлеге тарафыннан оештырылган әлеге кичә буыннар арасындагы чылбырны тагын да якынайтучы бер чара булып тора.