Бүген биология түгәрәкләре кысаларында  биологиядән экзамен бирүче 9-11 класс укучылары БДИ вариантының 35 нче соравын анализларга әзерләнеп килеп (11кл.-2-3 рәсем, 9,10 класс укучылары - 1әр рәсем) аудитория каршында чыгыш ясадылар. Практикум сөйләүчегә дә,тыңлаучыга да,әңгәмәдә катнашучыга да файдалы булды. Биология укытучылары Чулпан Миннуловна һәм Рузилә Рафиковна укучыларга уңышлар теләделәр.Тырышуны дәвам итәргә өндәделәр.

Башлангыч класс укучылары робототехника түгәрәгенә бик теләп йөриләр. Эшләренең нәтиҗәсен күрү аеруча сөендерә. Афәрин  егетләр!

        Бүген 10 класс укучылары  дөньяның  икътисади һәм социаль географиясеннән  “Промышленностьта су кулланылышы” дип исемләнгән  дәрес - конференциядә  промышленность тармаклары турында, һәм  аларда  су куллану , җитештерүнең суга бәйлелеген  ачыклаган чыгышларын презентацияләр ярдәмендә җиткерделәр. Укытучылары  Рузилә Рафиковнаның  һәм тыңлаучыларның сорауларына җаваплар бирделәр.

     Бүген химия укытучысы Лилия Шамилевна  8 класслар өчен  үзенең  традицион бәйрәмен- химикларга кабул итү кичәсе үткәрде. Бәйрәмне  укытучы БДИ бирүче укучылары белән матур, эчтәлекле  итеп  әзерләп,  истә калырлык  күңелле итеп алып бардылар.Теоретик сораулар да, приборлар белү дә, химик элементларны тану да  һәм тагын күп кенә химик сынауларны үтү кирәк булды  укучыларга.  Галим –химикның сихерле таягы ясаган матур төстәге компотлар да, химияне өйрәнүчеләр турында мультфильмнар да, бирелгән антлар да , истәлеккә тапшырылган  дипломнар да  укучыларга бик тә ошады.

1 апрель көнне Шушмабаш урта мәктәбе базасында чираттагы Сингапур укулары үтте. Укуларда Апаз, Ашытбаш, Носы, Хәсәншәех, Пөшәнгәр ,Шушмабаш мәктәбе педагоглары катнашты.Тренерлар укытучыларга креатив фикерләү , аның төрләре, укыту процессында ничек итеп балаларда  креатив фикерләү формалаштыру хакында сөйләделәр.

2 апреля (в Международный день детской книги)ученица 7 класса Ахмадуллина Лилия приняла участие в V Всероссийском конкурсе юных чтецов "Живая классика" на базе МБОУ "Лицей №9 им.А.С.Пушкина" Зеленодольского района.Она достойно представила наш район.Молодец!!!

 2 апрель -Балалар китабы көне. Әлеге көннең нәкъ шул датада билгеләнүе дә очраклы түгел. Ул балалар яратып укый торган эчтәлекле дә, кызыклы да булган бик күп китаплар авторы, әкиятче Г.Х.Андерсен белән бәйле.Укучылар китапханәдә  викторинада катнаштылар.Иң күп китап укучыны билгеләделәр.

     Бүген табигать фәннәре атналыгы кысаларында химиядән ачык түгәрәк занятиесе булып узды. Химия укытучысы Фатхрахманова Л.Ш. "Оксидлашу-кайтарылу реакцияләре" темасын видеофрагментлар, тәҗрибәләр ярдәмендә аңлатты. Укучылар эшлекле уен барышында имтихандагы катлаулы биремнәрне бергәләп үтәделәр, үзләре тәҗрибәләр үткәрделәр. Дәрес файдалы  һәм кызыклы үтте.

   1 апрель-Кошлар көне уңаеннан "Язны сәламли кошлар" дип исемләнгән күргәзмә оештырылды. Анда кошлар турында күңелле, файдалы мәгълүматлар куелды һәм укучыларның язгы пейзажны сурәтләгән рәсемнәре урын алды.

    1 апрель-кошлар көне уңаеннан ОГЭ һәм БДИ бирүче 9-11 класс укучыларына "Кошларга гомуми характеристика, кошларның экологик группалары һәм әһәмияте" турында видеолекция бирелде.  Биология укытучылары Самигуллина Ч.М.һәм Хадиева Р.Р. укучыларны имтиханда очрый торган сорауларга җаваплар белән кабаттан таныштырып, материалны ныгыттылар.