Интерактив уенчыклар тәрбия һәм белем бирүдә аерылгысыз ярдәмчеләребез. Балалар өчен кызыклы булган бу уенчыклар ике дәүләт телен өйрәнүдә дә булышлык итәләр. Балаларны әңгәмәдә катнашырга, сорауларга тулы җавап бирергә өйрәтүдә интерактив уенчыкларның әһәмияте бик зур. Бу рәсемдә балаларның тәрбияче Райлә апалары ядәмендә Лунтик белән әңгәмә уздырган вакытын күрәсез.

Бүген "Арча балалар бакчасы №11"Күбәләк" базасында "Голосок" конкурсы булып узды.Безнең бакчадан да яшь талантыбыз Самигуллина Иркә бу конкурста катнашты һәм диплом яулап кайтты.

Бакчабызда әти-әниләр җыелышы булып узды.Биредә бакча мөдире һәм төркем тәрбиячеләре катнашты.Әти-әниләргә чыгышта балалар бакчасында умк куллану турында сөйләнде.Мәктәпкәчә белем бирү учрежденияләрендә республиканың дәүләт телләрен өйрәтү программасының старт алуы; бу программаны тормышка ашыру өчен балалар бакчасы умк комплектлары, ноутбуклар,экраннар, белән җиһазлануы турында әйтелде.Бүгенге көндә яңа укыту методик әсбаплар, күрсәтмә материаллар, балаларның танып белү һәм фикерләү сәләтен үстерергә ярдәм итәрлек яңа заманча уеннары, эш дәфтәрләре белән эшләвебезне якыннан таныштырдык.

Бүген бакчабызда әниләр бәйрәмен билгеләп үттек.Бәйрәмчә бизәлгән залда балалар үзләренең әниләрен котлап төрле һөнәрләр күрсәттеләр.Бәйрәм бик матур,зәвыклы булды,әниләр катнашында кызыклы уеннар белән бергә үрелеп барды.Балалар да,әниләр дә шат иде.