Яшелчә (суган) һәм кузаклылар семьясы (борчак),арпа белән тирәннәнрәк таныштыру максатыннан табигать почмагында күзәтүләр алып барабыз. Безнең бакчаларда һәм басуларда үсүче үсемлек, яшелчәләрне аерырга өйрәтәбез. Балаларны күзәткән әйберләре буенча фикер йөртә белергә, чагыштыра белергә өйрәтәбез, күзаллауларын, иҗади фикерләү сәләтен үстерәбез.

Бакчабыз тәрбиячесе Локманова Гөлшат Хәйдәр кызы район күләмендә уздырылган "Төп йорт килене-2016" бәйгесенең финал өлешенә чыгып җиңү яулады. Барлык коллектив исеменнән аны котлыйбыз. Киләчәктә дә сәләмәтлек, зур уңышлар, сабырлык, тигез, матур тормыш телибез.

Сюжетлы рәсемнәр балаларда иҗади эшчәнлек ихтыяҗы тудыра(хикәяләр төзү) һәм формалаштыра, иҗади фикерләүләрен һәм образлы күзаллауларын активлаштыра. Мәктәпкәчә әзерлек чорында балаларның кечкенә күләмле текстларны бәйләнешле һәм эзлекле итеп сөйли белү күнекмәләрен камилләштерү дәвам итә. УМК да бик күп әдәби әсәрләргә сюжетлы рәсемнәр кулланырга мөмкинлек бирелгән.Әсәрне укыганнан соң, логик сөйләм формалаштыру максатыннан, әсәр сюжеты буенча әңгәмә оештырыла.Тәрбияче тарафыннан бирелгән сораулар һәм биремнәр, балада әсәрдә тасвирланган вакыйгаларны сөйләп бирергә кызыксыну уята.

Иртәнге гимнастиканың нинди әһәмияте бар соң? Көн дә ясалган иртәнге күнегүләр аяк, кул, корсак һәм арка мускулларын ныгыта. Моннан тыш, йөрәк һәм үпкә эшчәнлеге әйбәтләнә, кешенең гәүдә торышы яхшыра. Иртәнге гимнастика көндә берүк вакытта ясала икән, баланың ихтыяр көче дә арта. Ул әлеге көн тәртибенә күнегә, үзен яхшы хис итә башлый. Безнең бакчабызда да иртәнге гимнастика һәркөн саен музыка җитәкчесе Абдуллина Ләйсән Габделәхәтовна белән бик мавыктыргыч һәм җанлы үтә.