5 нче сыйныфта "Урман кагыйдәләре" темасына әңгәмә үткәрелде. Укучылар урман байлыклары, үзеңне тоту тәртипләре турында искә төшерделәр.

Мәктәбебез укучылары төрле конкурсларда катнашып торалар. Шул конкурслар арасында  "Кладезь знаний"ның математика буенча конкурсында укучыларыбыз 1 урыннарны яуладылар. Котлыйбыз! 

Укучыларыбыз информатика буенча КИТ конкурсында катнашып матур нәтиҗәләр күрсәттеләр. Аларга сертификат һәм истәлекле бүләкләр тапшырылды.

Сәләтле һәм авыр үзләштерүче укучылар белән эш, III чирек йомгаклары һәм алда торган бурычлар, ФГОС буенча төп укыту программасын төзү турында укытучылар, класс җитәкчеләре, укыту-тәрбия эшләре буенча директор урынбасары һәм мәктәп директоры чыгыш ясады. 9 нчы сыйныф укучыларының имтиханнарга әзерлеге мәсьәләсе дә каралды. Имтиханнарга әзерләүче укытучылар үз эшләренә анализ ясадылар, тәҗрибәләре белән уртаклаштылар. Педагогик киңәшмәдә  укучыларның дәресләргә йөреше,  хокук бозуларны кисәтү, әти-әниләр белән эшчәнлек турында да сөйләшенде, нәтиҗәләр ясалды.

Cәрдәбаш башлангыч мәктәбендә әниләр катнашында “Тырышлык – зурлык, ялкаулык – хурлык” дип исемләнгән кичә булды. Балалар укуның авыр, ләкин бик кирәкле эш икәнлегенә кичә барышында тагын бер кабат ышандылар.

Сәрдәбаш башлангыч мәктәбе укучылары кошларны якты йөз белән каршы алалар. “Без –кошларның дуслары. Алар моны белеп, безне дә мактап сайрарлар әле”,-дип, шатланыша алар.

Язгы каникулдан соң укучыларыбыз яңа көч белән мәктәбебезгә  ашыкты.   Укучыларны  һәм укытучыларны ишектән  үк 9 сыйныф укучылары каршы алдылар. Мәктәпкә бары тик аларның биремнәрен үтәгәч кенә керергә мөмкин булды. Ә биремнәр кызыклы һәм күптөрле иде. Мәктәбебездә 1 апрель – Көлке көне шулай башланды. Һәр кабинет ишегенә кызыклы рәсемнәр, сораулар эленгән иде.

9 нчы класс укучылары  1 апрель көне уңаеннан  “Көлкеле тамаша”  үткәрделәр. Һәр тәнәфестә укучылар өчен кызыклы уеннар үткәрелде. Биремнәрне үтәгән укучыларга смайликлар өләшенде. Көн ахырында шулар буенча мәктәбебезнең “Иң шаян укучы”сы билгеләнде. Бу исемгә 32 смайлик җыйган  Яруллина Эльмира лаек булды

25 март көнне Носы мәктәбе укытучылары Сингапур укуларының икенче этабында булып кайттылар.