Урман-кешенең иң юмарт дусты.Ул йорт салырга бүрәнә, өстәл ясарга такта, ягарга утын бирә.Ә кәгазь, целлюлоза, шырпы, скипидар? Гөмбә, җиләк, чикләвек, дару үләннәре...  Кыскасы урман бүләк итә торган байлыклар чиксез. Халык хуҗалыгындагы егерме меңнән артык әйбер-урман хәзинәсе.

      Урман безгә үзенең матурлыгы белән дә кадерле. Бар да туйганчы соклан-ул куып җибәрми.Саф һавасы, агач яфракларының әкрен генә кыштырдавы, кошлар сайравы- болар барысы да  кешенең кәефен күтәрә, рухын ныгыта. Урманда бер генә көн булсаң да , рәхәтләнеп  ял итәсең, уку һәм эш өчен яңа көч туплыйсың. Урмандагы яшел төс күзләрне ял иттерә, күңелне тынычландыра. Урманның чиста, кислородка бай һавасы безнең сәламәтлегебезне саклауга һәм ныгытуга  ярдәм итә.

  Олимпиадада, гадәттә, фәнне аеруча зур кызыксыну белән өйрәнүче, зирәк, тырыш, иҗади сәләткә ия булган балалар көч сынаша. Бәйге махсус әзерлек таләп итә. Әзерлек башлангыч сыйныфлардан башланырга тиеш. Олимпиадага әзерләнү дәресләрдән соң алып барыла. Ләкин балалар дәресләрдән соң калып шөгыльләнергә бик яратмыйлар. Шуңа күрә мондый дәресләрдә  материалны өйрәнү уен белән  бергә үрелеп алып барылса, отышлырак.

Сәрдәбаш башлангыч мәктәбенең 3 нче класс укучылары язгы матур көнне олимпиадага бергәләшеп әзерләнергә булдылар. Дуслык тау-ташларны күчерергә дә сәләтле шул.

Носы төп гомуми белем мәктәбендә  профсоюз оешмасының отчет - сайлау җыелышы узды. Башлангыч профсоюз оешмасы рәисе Ганиева С.Х., мәктәп директоры Бадертдинов В.Х. башкарылган эшләр турында чыгыш ясадылар. Төхфәтуллина Р.Р. ревизия комиссиясенең эшләгән эшләренә нәтиҗә ясады. Җыелышның икенче өлешендә ачык тавыш бирү юлы белән яңа профсоюз оешмасы рәисе һәм контроль - ревизия комиссиясе әгъзалары сайланды.

Химия, биология атналыгы кысаларында 9 нчы сыйныфларда химия буенча ачык дәрес үткәрелде. Дәрес барышында укучылар уксус кислотасының  үзлекләрен өйрәнделәр, ОГЭ эшенең 17 нче биремен чиштеләр.

Мәктәбебездә химия - биология атналыгы башланып китте. Атналык кысаларында "Көчсез буын" уены үткәрелде. Уенда 7 сыйныф укучылары катнашты. 

Бүген Сәрдәбаш башлангыч мәктәбендә"Кошлар – безнең дусларыбыз!"  кичәсе үткәрелде. Укучылар кошларга карата табышмакларның җавапларын таптылар, шигырьләр сөйләделәр, сынамышлар белән таныштылар. Канатлы дусларыбыз турында яңа мәгълүмат алдылар. Кошларга сакчыл караш тәрбияләү –төп бурычыбыз.

8 нче апрель көнне мәктәбебездә Арча районы буенча   ПДН инспекторы Усманова Э.С.,  балигъ булмаганнарның хокук бозуларын кисәтү буенча әйдәп баручы белгеч Диярова Р.Г. катнашында чираттан тыш профилактика советы утырышы үткәрелде. Мәктәпнең  хокук бозуларны кисәтү буенча эшчәнлегенә  анализ ясалды. Укучылар белән профилактик әңгәмә үткәрелде.

Сәрдәбаш башлангыч мәктәбе укучылары  мәктәп тирәсендәге карларны тараттылар. Кар астыннан чыккан чүпләрне җыйдылар. Саф һавада эшләү күңелле һәм сәламәтлек өчен дә файдалы.

Юлда үз-үзеңне куркынычсыз тоту кагыйдәләренә өйрәтүне кечкенәдән үк башларга һәм план буенча системалы алып барырга кирәк. Мәктәп яшендәге балага кагыйдәләрне яхшы белү генә аз, аларның мәгънәсен аңларга , ситуациягә дөрес бәя бирә белергә   кирәк. Баланы юлда куркынычсыз йөрергә әзерләү –класс җитәкчесенең көндәлек бурычы.  Ә яктырткычлар    укучыларны хәвеф – хәтәрләрдән саклауда бик кирәкле  элемент. Сәрдәбаш башлангыч мәктәбе укучыларының  барысында  да   яктылыкны кире кайтаручы элементлар бар.