Бүген  11  класс укучылары әти- әниләре, класс җитәкчеләре  белән  Арча  шәһәрендә  үткәрелгән   "Выпускной  бал" га  бардылар. Бәйрәм тантанасы  укучыларга бик ошады.

Бүген  капиталь ремонттан  соң, мәктәбебез ачылу  тантанасы  булды. Бәйрәм тантанасына  Татарстан  Республикасының  премьер министр  урынбасары, мәгариф һәм фән  министры Энгель Нәвап  улы Фәттахов, Арча  муниципаль районы башлыгы  Илшат  Габделфәрт улы  Нуриев килделәр.  Мәктәбебез  ремонттан  соң  танымаслык  булып  үзгәрде.36  еллык  тарихы  булган  мәктәбебезнең  заманча  үзгәртелүенә  һәр  әти-әни, укытучы, укучы  сөенә. Иң  зур  рәхмәтләребезне  президентыбыз  Рөстәм Нургали улы Миннехановка, район  җитәкчелегенә, КСМ  ширкәте  җитәкчесе  Рафаэль Әдһәм  улына, төзүчеләргә җиткерәбез, эшләрендә  зур  уңышлар, сәламәтлек  теләп калабыз.

  Мәктәбебездә  "СМС- дети"  проектының  чираттагы  "Будь  здоровым! Танцуй"  дип  исемләнгән акциясе  узды. Чара   сәламәт  яшәү  рәвешен  пропагандалауга  багышланды. Укучылар  авылдашларыбызга  буклетлар  тараттылар. Соңыннан  флешмоб  уздырылды.

Россия көне – патриотизм, хезмәт, җәмгыятьтәге бердәмлек һәм татулыкны, икътисади һәм рухи яңарышны гәүдәләндерүче бәйрәм. Бу Россиядә яшәүче барлык халыкларның дуслыгын, уртак тарихыбызны чагылдыручы бәйрәм. Безнең көч – бердәмлектә.Барыгызга да исәнлек-саулык, барлык якты хыялларгызның тормышка ашуын телибез. Илебездә һәрчак тынычлык һәм үзара аңлашып яшәү булсын.

Помидорлар  күчерәбез.

Балаларны яклау көне 1950 нче елдан башлап дөнья күләмендә билгеләп үтелә. Әлеге бәйрәм турындагы карар 1949 нчы елның ноябрендә хатын-кызлар Халыкара демократик федерациясе махсус сессиясендә кабул ителә.
БМО әлеге инициативаны хуплап, балаларның хокукын, тормышын, сәламәтлеген саклауны үз эшенең өстенлекле юнәлеше итеп игълан итте.
Балаларны халыкара яклау көне – ул, беренче чиратта, өлкәннәргә балаларның яшәү хокукын, фикерләү, дин тоту һәм белем алу, ял итү иреген тәэмин итүнең, аларны физик һәм психологик көч кулланудан саклауның, балалар хезмәтен тыюның гуманлы һәм гадел җәмгыять төзүдә мөһим шартлар икәнлеген искә төшерүче көн.Бөтен җир шарындагы сабыйларга игътибар җәлеп итү максатыннан әлеге бәйрәм һәрвакыт төрле чаралар белән уздырыла.

    "Сәламәтлек  көне"  кысаларында    мәктәбебезнең  "СМС- дети"  проектында  катнашучы  укучылары  чираттагы  акцияне  уздырдылар. Алар  укучыларга  һәм  бәйрәмгә  килгән  кешеләргә  тәмәкенең  килеп  чыгышы  һәм  аның  сәламәтлеккә  китергән  зыяны  турында  сөйләделәр. Чарада  катнашучылар  тәмәке  тартуга  каршы  көрәшкә  теләктәшлек  белдереп,  зәңгәр  төстәге  тасмалар  бәйләделәр. Соңыннан  флешмоб  уздырылды.