Мәктәбебездә февраль ае-  "Хәрби  дан"  айлыгы буларак үтә. Әлеге  айлык  кысаларында "Яшь  антифашистлар көне", "Муса  Җәлилне  искә  алу көне", "Зарница  уены,  Биатлон  ярышы, "Ватанны  саклаучылар  көне" кебек  чаралар      үткәрү планнаштырыла.                                                                                                                               

Бүген  мәктәбебез сәхнәсендә  9  класс  укучысы Назметдинова  Камилә пьесасы  буенча  "Таң  йолдызы -  Таңсылу" спектакле куелды. Камиләнең  әле  бу  тәүге  пьесасы. Әсәр  2016  елда Бөтенроссия  "Илһам"  бәйгесендә  икенче  урынга  лаек  булган  иде. Спектакльдә  катнашучы укучылар  да үз  рольләрен  бик  оста  итеп  башкардылар. Спектакльне  сәхнәгә  куючы татар  теле  һәм  әдәбияты  укытучылары  Габдрахманова  Г.В.,Шагисламова  Г.Р.  га һәм укучыларга олы  рәхмәтебезне  һәм  иҗади  уңышлар  теләп  калабыз.

       20 нче гыйнвар  көнне Арча районы Наласа  урта гомуми белем мәктәбе базасында ”Милли мәктәп– югары  мәктәп- әхлаклы һәм көндәшлеккә  сәләтле булган  шәхес тәрбияләү моделе” исеме астында районкүләм татар теле һәм әдәбияты укытучылары семинары булып узды.  Семинар кунакларын Наласа урта мәктәбе укучыларының  милли уен кораллары ансамбле һәм бию коллективы  каршы алды. Мәктәп директоры Мостафин Д.Ф. мәктәп һәм аның күрсәткечләре белән  таныштырды.  Башлангыч класс укытучылары тарафыннан оештырылган, экология елына багышланган  “Ак болытлар, ак чәчәкләр– аклык, сафлык, чисталык” исемле экологик чара кунакларның күңеленә хуш килде. 

         Иртәнге чәйдән соң  семинар ачык дәресләр белән дәвам итте. Кунаклар 6 нчы класста татар теленнән ( укытучысы Габдрахманова Гөлниса Вагыйз кызы),  7 нче класста  татар  әдәбиятыннан ( укытучысы Шагисламова Гөлназ Рәшит кызы)   ачык дәресләр  карадылар. Дәресләр, заман таләпләренә туры китерелеп, яңа технологияләр белән үткәрелде.

         Семинарның икенче өлешендә татар теле укытучылары тарафыннан әзерләнгән  “Бер очрашу – бер гомер” исеме астында  авылдаш язучыларга багышланган  әдәби-музыкаль кичә  үткәрелде. Очрашуга язучы Гүзәл Әдһәм, шагыйрә Гөлчирә Нәҗметдиноваларның килүе ямь өстәде.

Кичәнең икенче өлешендә  мәктәбебезнең  9нчы класс укучысы  Нәҗметдинова Камиләнең  Бөтенроссия “Илһам” бәйгесендә драматургия номинациясендә икенче урынга лаек булган  “ Таң йолдызы-Таңсылу”  драмасы буенча куелган  спектакль  күрсәтелде.

         Семинар түгәрәк өстәл артында дәвам итте. Арча мәгариф бүлеге методисты Энҗе Габдулатҗан кызы Мостафина һәм  кунаклар семинар эшчәнлегенә зур бәя бирделәр. 

Бүген  мәктәбебезнең  башлангыч класслар  укытучысы  Рәфыйкова  Гөлфия  Дәминовна  Утар  Аты  мәктәбендә  "Класс җитәкчесе"  конкурсының  зона  ярышында   катнашты.  Гөлфия  Дәминовна  4  класс  укучылары  белән "Экология"  темасына тәрбия  дәресе,  һәм  "Толерантлык" темасы  астында  мастер класс  күрсәтте. Укытучыбызга  иҗади уңышлар, район турына  үтүен  теләп  калабыз.

Бүген  Яңа Кенәр  мәктәбе  базасында 1999  елгы һәм  яшьрәкләр  арасында  көрәш бәйгесе  булды. Мәктәбебездән  Хәлиуллин Раян  һәм Шагисламов Әлфис  уңышлы гына чыгыш  ясадылар.