1 октябрьдән, гадәттәгечә, Өлкәннәр ункөнлеге башланып китте.  Бүген Яңа Кырлай мәдәният йортында Өлкәннәр көне уңаеннан  "Көзге моң"  дип исемләнгән концерт-очрашу булды. Авылыбыз өлкәннәре - мәктәптә  эшләп,  лаеклы ялга чыккан ветеран-укытучылар, хезмәткәрләр -  хезмәттәшләре белән очрашып сөйләштеләр. Укучыларыбызның  һәр  чыгышын алкышллап, сөенеп карадылар алар. 

4 октябрь бәйрәмнәргә бай булды. Яңа Кырлай Мәдәният йортында уздырылган концерттан соң, кадерле ветеран укытучыларыбызны, хезмәткәрләрне мәктәпкә дәштек. Очрашу чәй табыны артында дәвам итте. Әлеге кичә җырлар һәм теләкләр белән үрелеп барды. Ветеран укытучылар үзләренең укыту дәверендә булган күңелле мизгелләре белән уртаклаштылар. Без аларга ныклы сәламәтлек  телибез, үз хезмәтләренең игелеген күреп, озак яшәсеннәр.

В сентябре в школе начался школьный этап Всероссийских олимпиад школьников. Обучающиеся школы выполняют олимпиадные задания  и показывают прочные знания. Желаем дальнейших успехов нашим обучающимся!

Хөрмәтле ветеран укытучыларыбыз, техник хезмәткәрләребез, дәү әниләр, дәү әтиләр! Сезне чын күңелебездән “Өлкәннәр көне” белән котлыйбыз! Шушы бәйрәм көне елмаеп баккан кояшның матурлыгын, табигатьнең самимилеген өстәп, күңелегезгә шатлык алып килсен, кояштай озын гомер, корычтай нык сәламәтлек, җан тынычлыгы, күңел көрлеге телибез.

Бүген безнең Яңа Кырлай җирлегендә «Ат көне» үткәрелде. «Ат көне» бәйрәменә Татарстан Республикасы Премьер—министры урынбасары Васыйл Шәйхразиев кайтты. Кунакларны район башлыгы Илшат Нуриев каршы алды һәм озатып йөрде. Төрле ярышларда 130лап ат катнашты. Ярышларга Россиянең ат спорты Федерациясе судьялык төркеме бәя бирде. Ярышка Казан, Төмән, Мәскәү, Ростов өлкәләреннән, Кабардино-Балкария республикасыннан, Татарстаның Биектау, Лениногорск, Буа, Чистай, Минзәлә, Әтнә районнарыннан килгән иделәр. Мәйданда халык күңел ачты, җыр, музыка, төрле спорт ярышлары үткәрелде. Район башлыгы Илшат Нуриев халыкны бәйрәм белән котлады, ата-бабалардан килгән милли йолаларыбыз — ат спортын үстерергә кирәклеген әйтте. Мәйданга бизәлгән атлар керде. Янәшәдәге мәйданда эш атлары йөк белән узышты. Казан ипподромыннан кайткан атлар төрле каршылыклар аша узып күрсәттеләр. Бу үзе бер матур күренеш булды. Безнең мәктәп тә бу бәйрәмдә үз өлешен кертергә тырышты. Укучыларыбыз килгән кунакларга матур җыр-биюләрен бүләк иттеләр. 2 укучыбыз ат ярышында катнашты, 5 класс укучысы Шакирзянов И.И. 3 урынга лаек булды. Котлыйбыз аны җиңүе белән!!!

Сентябрь аен тәмамлап, бүген барлык классларда да генеральная уборка үтте. Укучылар җитез генә бар җирдәге тузанны сөрттеләр, идәннәрне юдылар, китап шкафларын тәртипкә китерделәр. Кабинетларны саф һава, чисталык биләп алды.

Сегодня учащиеся 5 класса выполнили стартовую диагностику по математике.

Бүген 9-11 сыйныф укучылары утырышы булып узды. Утырыш барышында 1нче яртыеллыкка эшләр планлаштырылды, якынлашып килүче бәйрәмнәр турында сөйләшү алып барылды.

Быел да мәктәп яны яшелчә бакчасыннан мул уңыш җыеп алдык. Көннәр аяз торган арада бакчада кышка әзерлек эшләре бара.