Мәктәбебездә "Яңа ел маҗаралары" исеме астында 1-6 класс укучылары катнашында Яңа ел тамашасы, "Зәңгәр ут яктысында" 7-8 класс укучылары өчен Яңа ел кичәсе узды.

28 нче декабрь көнне Иске Кишет башлангыч мәктәбендә Ф.Яруллинның "Ак яфрак" әсәре буенча Яңа елга багышланган театральләштерелгән тамаша булды. Тамашада әниләрнең дә катнашуы ямь өйтәде. Бәйрәм бик күңелле үтте. 

Арча һәм Әтнә районнары буенча Арча районы хәрби коммисариаты һәм Татмедиа берләшмәсенең "Арча хәбәрләре" газетасы редакциясе тарафыннан үткәрелгән "Я живу в стране победителей" дигән рәсем бәйгесендә мәктәбебезнең 4 нче класс укучысы Җамалиева Ралинә 1 урынга (укытучысы Фазылҗанова Г.Ф.), 2 класс укучысы Шараков Радмир 3 урынга (укытучысы Абдуллина Д.В) лаек булдылар. Конкурста катнашкан 184 бала арасыннан безнең укучыларыбызның югары урыннар яулавы бик куанычлы хәл. Котлыйбыз үзләрен. 

Яңа Кишет мәктәбенең  7 класс укучысы Сабирҗанов Салават районда үткәрелгән татар әдәбияты олимпиадасында җиңүче булды. Чын күңелдән котлыйбыз, алда уңышлар телибез. 

9 нчы класс укучылары балалар бакчасында кунакта булдылар. Нәни дусларны киләчәк Яңа еллар белән котладылар. Укучылар күрсәткән әкият тамаша нәниләргә бик ошады. Кызыклы уеннарда актив катнаштылар. 

Гөлнур Адгамовна җитәкчелегендә 9 нчы класс укучылары Яңа ел бәйрәменә багышланган лотерея уеннары үткәрделәр. Һәр укучы бу уенда актив катнашты. 

8 класс укучысы Фазылҗанов Айтуган русский языктан, Татарстан тарихыннан, татар әдәбиятыннан призёр, 9 класс укучысы Йосыпова Кәдрия татар теленнән һәм татар әдәбиятыннан призёр, 8 класс укучысы Ибрагимова Динара,  7 класс укучысы Гайфуллина Диләрә,  5 класс укучысы Шакирова Энҗе татар теленнән призёр булдылар. 8 класс укучысы Файзрахманов Алмаз химиядән призёр булды. Кадерле укучылар! Сезне уңышларыгыз белән чын күңелдән котлыйбыз, сезгә яңадан – яңа уңышлар телибез.

Мәктәбебездә "Кар сыннары ясау" бәйгесе игълан ителде. Һәр класс җитәкчеләре белән берлектә  әти-әниләр ярдәме белән үзенчәлекле, матур кар сыннары ясадылар. 

Мәктәбебездә  "Замечательный вожатый" конкурсы узды. Әлеге конкурста  отряд вожатыйлары төрле өлкәдә үз осталыкларын күрсәттеләр. Укучылар белән эшләү барышында булган ситуацияләрдән чыгу юлларын чиштеләр, күңелле уеннар уйнаттылар, үзләре ясаган композицияләр белән таныштырдылар. Ә алар җитәкләгән отряд укучылары тырышып көч биреп торды. Афәрин, вожатыйларыбыз! Алдагы ярышларда да уңышлар сезгә!