Гөлназ Рифатовна  6 нчы класста “Финансовая грамотность” дигән тема буенча тәрбия  сәгате уздырды.Укучылар  класс җитәкчесе белән берлектә бюджетны ничек итеп дөрес бүлергә мөмкин булуы турында  фикер алыштылар.  

Мәктәптә 1 нче класс укучылары катнашында "Хуш Әлифбам" исеме астында бәйрәм кичәсе үтте. Укучылар Әлифба турында җырлар башкардылар, шигырьләр сөйләделәр. Кичәнең икенче өлешен 8 март - Халыкара хатын-кызлар көненә багышладылар. Гөлфия Наилевна җитәкчелегендә оештырылган әлеге  кичә, бәйрәмгә килгән әниләрнең күңеленә хуш килде. 

Бүген мәктәбебездә чаңгыда йөрү буенча ярышлар узды. Укучылар 2 группада шәхси беренчелек өчен көч сынаштылар. 5-6 класс кызларыннан 1 урынны  5 класстан Шакирова Энҗе, 2 урынны 5 класстан  Валитова Лидия алды. Малайлар арасында 1 урынны 6 класстан Шакиров Илсаф, 2 урынны 6 класстан Садыков Ислам, 3 урынны 6 класстан Садыков Ильмир яулады. 

7-9 класс укучылары арасыннан 1 урынны 7класстан Минзянова Фирүзә, Сәләхиев Илназ, 2 урынны 8 класстан Ибрагимова Динара, 7 класстан Сафин Илсаф, 3 урынны 8 класстан Абдуллина Илүзә, 7 класстан Каримов Илнур алдылар. 

Эстафетада 6 команда катнашты. 5-9 класслардан 2 кыз, 2 малай составында берәр команда һәм укытучылар командасы. Нәтиҗәдә 7класс командасы 1 урын, укытучылар 2 урын, 8 класс командасы 3 урын яулады. Молодцы!!!

       Көннең яктылыгы кояшта, күкнең матурлыгы йолдызларда, җир йөзенең гүзәллеге хатын-кызларда. Сезне шул җир йөзен бизәген халыкара хатын-кызлар көне белән тәбриклибез! Бәйрәмнең кайсы да тәнгә җиңеллек, рәхәтлек, җанга ял алып килә. Шушы бәйрәм көне, елмаеп баткан кояш матурлыгын, табигатьнең самимилеген өстәп, күңелегезгә шатлык, тәнегезгә сихәтлек, өегезгә иминлек алып килсен. 

Мәктәбебезнең 7 нче класс укучылары Габдрахманова Н.Ш. җитәкчелегендә “Кояш көлә, мин елмаям 8 нче Март бүген” исемле музыкаль бәйрәм кичәсе күрсәттеләр. Кичәне гүзәл затларны бәйрәм белән котлап мәктәп директоры Минҗанов Ф.М. башлап җибәрде. Укучылар да залда утырган укытучыларны, әнләрне бәйрәм белән котладылар. Кичә матур җырлар, биюләр, шигырьләр белән үрелеп барды. Фәнис Яруллинның “Сандугач оясы” әсәреннән күрсәтелгән өзек залда утырган бар кешенең күңеленә үтеп кереп,  дулкынландырды, күзләрне чылатты. Чара “Бәйрәм белән сезне” җыры белән күтәренке рухта тәмамланды

Иске Кишет башлангыч мәктәбендә югары квалификацион категорияле башлангыч класс укытучысы Фазлиева М.М. “Әти-әни белән бергәләп” исеме астында гаилә бәйрәме үткәрде. Бәйрәм “Бәйрәм бүген” дигән җыр белән күтәренке рухта башланып китте. Укучылар әтиләрен, әниләрен бәйрәмнәре белән котлап матур шигырьләр сөйләделәр, җырлар, биюләр башкардылар. “Һәрвакыт булсын кояш”, “Туган тел” җырларын әти-әниләр бик дулкынланып тыңладылар, кушылып җырлап та утырдылар.

         Кичәнең икенче өлешендә балалар һәм әтиләр командасы төрле уеннар барышында үзләрен җитезлектә, тапкырлыкта сынадылар. Кичә “Яратыгыз” җыры белән тәмамланды.  Дүрт баладан торган коллектив эчтәлекле, мавыктыргыч чара күрсәтте, әти-әниләр бик күңелле ял итте. 

   6 нчы класс укучылары класс җитәкчеләре Гөлназ Рифатовна белән бергәләп “Сәламәт яшәү рәвеше” дигән тема буенча класс сәгате уздырдылар.Укучылар сәламәт яшәү өчен кирәк булган иң мөһим  факторлар белән таныштылар.

8 март- Халыкара хатын-кызлар көне уңаеннан 5-7 нче сыйныфлар арасында "Әниемә бүләккә.." дигән  рәсем конкурсы узды. Сыйныфтагы һәр укучы актив катнашты. Укучыларның эшләреннән күргәзмә оештырылды.