Балалар белән уен площадкасында уйнау. Чиратлашып таудан шуу. Максат: балаларда бер-берләренә карата игътибарлы, ярдәмчел булуларын ныгыту. Саф һавада уйнап, балаларның сәламәтлекләрен ныгыту.

Бүген бездә Илмир һәм Динәнең туган көннәре. Аларга 3 яшь. Без аларга саулык-сәламәтлек, озын гомер телибез. Акыллы, тырыш, уңган, тәртипле булып үссеннәр.

Балалар белән яшелчә бакчасында үстергән яшелчәләрне карау. Яшелчәләр әйбәт үссен өчен кирәк булган шартлар турында әңгәмә үткәрү. Балаларда хезмәткә карата мәхәббәт тәрбияләү.

Максат: балалар белән чәчәк орлыклары җыю; чәчәкләрне аерырга өйрәнү; балаларда күмәк хезмәткә мәхәббәт тәрбияләү.

Музыка укытучысы  1 нче кечкенәләр төркеменә бию өйләтә. Максат: балаларның шалтыравыкларны дөрес кулланып, музыкага дөрес бию хәрәкәтләре ясауларына ирешү. Балаларда кече яшьтән үк бию сәнгатенә мәхәббәт тәрбияләү.

Балалар белән саф һавада "Ал кирәк-гөл кирәк" уенын уйнадык. Балалар бик рәхәтләнеп күңел ачтылар.

Тезеләбез, бөгеләбез,

Шаярабыз, көләбез.

Физкультура - сәламәтлек,

Аны яхшы беләбез.

Максат: Рәсемне биткә дөрес урнаштырырга өйрәтү. Рәсем сәнгатенә мәхәббәт тәрбияләү. Төсләрне дөрес сайлау.

Максат: Балаларда бер-берләренә карата игътибарлылык, дуслык мөнәсәбәтләре тәрбияләү. Аларның уйлау сәләтләрен, мөстәкыйльлекләрен үстерү.