Балалар белән бер савытка суганнар, ә сулы шешәләргә агач ботаклары утырттык. Хәзер без көн саен аларда булган үзгәрешләрне күзәтеп торабыз. Сулары бетсә, су сибәбез. Балалар суганнарның кыяк чыгарганын, агач ботакларының яфрак ярганын күзәтәчәкләр. Соңыннан тәҗрибәбезгә нәтиҗә ясала. 

Чаңгыга басар алдыннан куркынычсызлык кагыйдәләре искә төшерелде: чаңгыны дөрес кию; таяклары белән сак эш итү, һ.б. Балалар белән чаңгыда шууның төрле алымнарын эшләп карау (кушаяклап этелү, аякларны шудырып атлау алымы һ.б.). Максат: балаларның кече яшьтән үк чаңгыда йөри белүләренә ирешү; мөстәкыйльлекләрен үстерү, сәламәтлекләрен ныгыту.

Зурлар төркемендә физкультура шөгыле. Максат: кыршау әйләндерүне ныгыту. Кыршауны билгә дөрес куеп, озак итеп әйләндерергә өйрәнү. Һәр бала белән индивидуаль эшләү. Игътибарлылык һәм мөстәкыйльлек тәрбияләү.

Балалар кулы белән ясалган бүләкләр әтиләрне сөендерсен. Кадерле әтиләребез! Сезне Ватанны саклаучылар көне белән тәбрик итәбез.

1 нче кечкенәләр төркеме "Тамчылар" биюен өйрәнә.

Музыка җитәкчебез - Лилия - балаларга җыр-бию генә өйрәтеп калмый, ә бәйрәмгә күлмәкләр дә тегә. Тиздән 8 нче март - Халыкара хатын-кызлар бәйрәме җитәчәк. Лилия һәр биюгә туры китереп күлмәкләр тегә.  Афәрин!

Тиздән 23 нче февраль - Ватанны саклаучылар көне. Шул уңайдан балалар да әтиләренә үз куллары белән бүләк әзерләделәр. 

 Максат: Балаларга танк өлешләрен (корпус, түбәсе, пушкасы, пулеметы, командир люгы, тәгәрмәч чылбыры, тәгәрмәчләре) ныклап ялгап ясарга өйрәтүне дәвам итү. Россия Хәрби көчләре турында күзаллауларын киңәйтү. Балаларда мөстәкыйльлек, игътибарлылык тәрбияләү.

Максат: армия, Ватан турында күзаллауларын киңәйтү; герой-шагыйрь Муса Җәлил белән таныштыруны дәвам итү, аның сүзләренә язылган җырлар тыңлау, шигырьләр уку һәм өйрәнү, шөгыль барышында очраган яңа сүзләрнең мәгьнәсен аңлату, сүзлек запасын баету, милли горурлык хисе тәрбияләү.