Тема: Новые дома на нашей улице. Цель: учить детей создавать несложную композицию; поразному распологать на пространстве листа изображения домов, дополнительные предметы. Закреплять приемы вырезывания и наклеивания, умение подбирать цвета для композиции. Развивать творчество, эстетическое восприятие.

Тәҗрибә үткәрү: "Кайсы тизрәк эри: кармы, бозмы?". Максат: 1. Табигатькә сакчыл караш тәрбияләү. 2. Яз турында белемнәрен мөстәкыйль эшчәнлектә иҗади куллана белү күнекмәләрен үстерү. 3. Яз, аның билгеләре турында белемнәрен киңәйтү.

Ясадым ояның

Иң-иң-иң зурысын.

Кошларга өендә

Уңайлы, киң булсын.

Саламнан түшәдем

Йоп-йомшак урын-җир,

Караттым көньякка,

Кермәсен салкын җил.

Әти йөри машинада,

Ә абыем - матайда.

Минем дә бар велосипед,

Кирәкми бензин, май да.

Мәктәпкә әзерлек төркеме балалары хәрефләрне өйрәнүне дәвам итәләр. Алар хәрефле пазлны дөрес итеп җыеп, һәр хәрефкә башланган сүз табалар. Уен формасында өйрәнгәндә балаларның күбрәк исләрендә кала.

10 көн элек балалар белән сулы шешәләргә агач ботаклары, савытка суган утырткан идек. Көн саен балалар аларның үзгәрешләрен күзәтеп бардылар. Менә хәзер без нәтиҗә ясарга булдык: суган кыяклары озын булып үстеләр. Аларны турап, балаларның ашларына салып ашатабыз. Яз көне витаминнар бик кирәк. Ә агач ботаклары яфрак ярдылар, хәтта шомырт чәчәк атты. Ул бүлмәбезгә хуш ис чыгарып утыра. Менә шундый кызыклы һәм файдалы тәҗрибә.

Бөтендөнья татар авыллары җыены делегатлары Арча районы балалар бакчасында концерт карады

Казан, 10 март, "Татар-информ", Алмаз Биккол). VI Бөтенроссия татар авыллары эшмәкәрләре җыены делегатлары бүген Арча һәм Балтач районнары авыллары белән таныша. Алар Мөндеш авылының "Кояшкай" балалар бакчасында булдылар. 

Бөтендөнья татар конгрессы башкарма комитеты хәбәр иткәнчә, авыл эшмәкәрләре җыенында 41 төбәктән 700 делегат катнаша.

Кунакларга Мөндеш авылында 2015 елда төзелгән яңа бинаны күрсәттеләр. Балалар эшмәкәрләргә концерт куйды.

"Ике төркемдә төрле яшьтәге 60 бала тәрбияләнә. Аларны милли рухта тәрбияләргә тырышабыз, халкыбызның милли гореф-гадәтләрен өйрәтеп, ата-аналар белән бик тыгыз элемтәдә торабыз. Алар безгә бөтен яктан булышырга торалар", - дип сөйләде 29 ел балалар бакчасында эшләүче "Кояшкай" балалар бакчасы җитәкчесе Римма Мостафина. 

Бүген безнең бакчабызда 8 март - халыкара хатын-кызлар көненә багышланган бәйрәм чарасы үткәрелде. Балалар әниләрне, әбиләрне, апаларны котлап матур шигырьләрен, җырларын, биюләрен бүләк иттеләр. Үзләре ясаган открыткаларын тапшырдылар. Бәйрәмдә әниләр арасында бәйге дә үткәрелде. Алар тырышып көч сынаштылар. Бәйрәм бик күңелле үтте. 

1 нче кечкенәләр төркемендә 8 март - халыкара хатын-кызлар көне уңаеннан "Гаилә бәйрәме" үткәрелде. Бәйрәмдә 3 гаилә көч сынашты. Алар үзләренең җырга, биюгә, хезмәткә, тапкырлыкка осталыкларын күрсәттеләр. Бәйрәм балаларның биюләре белән үрелеп барды. Әти-әниләр тарафыннан музыкаль бүләк тә яңгырады.

Тиздән язның матур бәйрәме - 8 март - халыкара хатын-кызлар көне килеп җитә. Шул уңайдан балалар үзләренең әниләренә үз куллары белән бүләкләр әзерләделәр.