Уртанчылар төркеме. Максат: 5 кә кадәр саннарны кабатлау, аларны тану. Рәсемнәрнең кайсы геометрик фигурага охшаганын билгеләү, геометрик фигураларны дөрес атау. Бирелгән рәсемне дөрес төсләргә буяу, төсләрне дөрес тану.

Без садик территориясендә өмә ясадык, агачлар утырттык.

Бездә бүген экологиягә багышланган бәйрәм үткәрелде. Анда зурлар һәм мәктәпкә әзерлек төркеме катнашты. Кунакка Арчадан Татарстан республикасы экология һәм табигать байлыклары министрлыгының Төньяк территориаль идарәсе белгече Фирдәүсә Латыш килде. Ул балаларның чыгышларын мактады, аларга уңышлар теләде.

Курчак театры балаларга "Куян маҗаралары" исемле спектакль күрсәтте. Балалар бик кызыксынып, игътибар белән вакыйгалар агышып күзәттеләр; рәхәтләнеп көлделәр, кул чаптылар. Спектакль бик матур булды.

Максат: Г.Тукай иҗаты буенча балалар арасында кызыклы викторина үткәрү; балаларны шагыйрьнең тормыш юлы, иҗаты белән таныштыруны дәвам итү. Тукай шигырьләрен һәм әкиятләрен искә төшерү. "Бала белән күбәләк", "Кызыклы шәкерт", "Эш беткәч, уйнарга ярый" шигырьләрен сәхнәләштерү, "Туган тел" җырын җырлау.

Апрель җитсә, исемеңне

Җырына куша тургай.

Милләтемнең кояшы син,

И моңлы, нурлы Тукай.

Балалар уен площадкасын чүпләрдән арындырырга булыштылар: корыган ботакларны җыйдылар, җил белән очып килгән чүпләрне чиләккә тутырдылар. Максат: балаларны хезмәт тәрбиясенә тарту, тирә-юнь мөхитне пычратмаска, табигатьне сакларга кирәклеген төшендерү.

1 нче кечкенәләр төркеме. Тема: Песиле тал бөреләрен карау. Максат: 1) балаларны песиле тал, аның өлешләре (ботаклар, бөреләр) белән таныштыру, табигатьтәге язгы күренешләр турында белемнәр формалаштыруны дәвам итү; 2) сүз байлыгын киңәйтү һәм песиле тал, ботак, бөре, йомшак, хус исле сүзләре исәбенә сүзлекне активлаштыру; 3) балаларның кабул итү сәләтен, игътибарын, күзәтүчәнлеген, хәтерен, сорауларга җавап бирү осталыгын үстерү.

Җирдә беренче чәчәкләр,

Язның ләйсән яңгыры,

Һаваларда тургай моңы,

Күнелдә шатлык җыры.

Балаларны бүлмә гөлләре белән таныштыруны дәвам итү, миләүшә чәчәген күрсәтү. Аны танырга, исемен әйтергә, төзелеше(чәчәге, сабагы, яфраклары) буенча аера белергә өйрәтү, сүз байлыгын киңәйтү. Балаларның сенсор тою һәм кабул итү сәләтен, игътибарын, күзәтүчәнлеген үстерү. Үсемлекләргә сакчыл караш тәрбияләү.