5-6 нчы сыйныф укучылары  “Кавказ өчен көрәш” дигән тарихи квестта катнаштылар. Уенның максаты – яшьләрдә патриотизм рухы тәрбияләү, Бөек Ватан сугышы  геройларын искә алу.

Бүген бөтен дөнья татарча диктант яза. Бу чара кысаларында Хәсәншәех төп гомуми белем бирү мәктәбе "Татарча яз" акциясе үткәрде.

Районыбызда зур чара – “Дус сыйныф серләре” дигән ата–аналар комитетлары республика бәйгесенең район этабы булды. Максаты – балаларны тәрбияләүдә белем бирү оешмалары һәм ата–аналар бердәм булып эшләгән иң яхшы коллективны барлау, аларны башкаларга үрнәк итеп күрсәтү, популярлаштыру һәм башкалар.  Конкурста катнашкан 8 сыйныф укучыларына, аларның класс җитәкчесе Саляхова Г. М. га , әти-әниләргә зур рәхмәт. 

Көзнең кояшлы матур көнендә Хәсәншәех мәктәбе укучылары һәм укытучылары  экскурсиягә чыктылар. Балалар табигатьнең көзге үзгәрешләренә сокланып.төрле спорт уеннарында катнашып, бик күңелле ял итеп кайттылар.

Бүген линейкада  "Көзге муллык" кургәзмәсендә һәм "Алтын көз" фотоконкурсында җиңү яулаган укучыларны бүләкләделәр.

Аеруча бу конкурста 2, 4, 8, 9 нчы сыйныф укучылары актив катнашты. 

Хөрмәтле укытучым! Сезне чын күңелдән һөнәри бәйрәмегез белән котлыйбыз.Эшегездә зур уңышлар,гаиләләрегезгә бәхет,саулык - сәламәтлек телибез.

Балаларыбызның, халкыбызның киләчәге укытучы кулында. Һәр кешенең Туган җире, сөекле Ватаны, тормышка нигез салган, юллама биргән сөекле мәктәбе, рәхмәт хисләре белән олылап, яратып искә ала торган укытучылары бар. Укытучылар көне уңаеннан бүген безгә, шушы мәктәптә эшләп лаеклы ялга чыккан хезмәт ветераннары кунакка килде.Концерт - тамаша матур теләкләр,  җырлар,биюләр белән үрелеп барылды. Кунакларыбыз да  укучыларга киңәшләрен һәм изге теләкләрен җиткерделәр.

Еллар арты еллар үтеп тора, көннәр арты көннәр үтәләр. Һәр елны октябрь аенда сезгә генә хас булган олуг бәйрәм "Өлкәннәр" көне билгеләп үтелә. Без сезнең белән бүгенге очрашуыбызга бик шат. Бүген сезнең бәйрәм. Бу көнне барлык мәшәкатьләрегезне онытып, оныкларыгызны сөендереп, күңелле ял итәргә килгәнегез өчен рәхмәт сезгә.