Бүген иртәнге әңгәмәләр Космонавтика көненә багышланды.12 нче апрель – космонавтиканың туган көне. Моннан 47 ел элек, дөньяда беренче мәртәбә бортына кеше утырткан “Восток” космик корабле Җир тирәли орбитага чыгарылды. Ул җир шарын 108 минут эчендә әйләнеп чыкты. Галәмнең очсыз-кырыйсыз киңлекләрен беренче булып очучы-космонавт Юрий Гагарин күрә. Шушы вакыйгадан соң бу көн Космонавтика көне итеп билгеләп үтелә.

Мәктәпкә әзерлек төркеменә йөрүче балалар бик тырышып 20 гә кадәрге саннарның составын өйрәнәләр.

Бакчабыз тәрбиячесе Валиева Рәмлә Камиловна Арчаның 10 нчы балалар бакчасында конкурста катнашып кайтты.Конкурсның максаты балаларда уеннар аша логик фикерләү сәләтләрен үстерү,мөстәкыйльлек,дуслык кебек сыйфатлар тәрбияләү..

Әвәләү шөгылендә без балалар белән аланга сәяхәткә бардык .Аланда чәчәкләр үсми икән. Без аланны аллы-гөлле чәчәкләр белән бизәдек ,аланыбыз бик матур булды.

Иртәнге әңгәмәләр вакытында балалар белән яз көне куркынычсызлык һәм юлда йөрү кагыйдәләре искә төшерелде.

Хөрмәтле әти-әнилэр! Балаларны кече яшьтән үк юл йөрү кагыйдәләрен үтәргә күнектерегез. Һәм онытмагыз, сезнең үрнәк – иң яхшы өйрәтү чарасы. Баланы урамда үзен тәртипле тоту һәм юл куркынычсызлыгын сакларга өйрәтүдә әти-әнине беркем дә алыштыра алмый. Шуңа күрә, үзегез юл кагыйдәләрен бервакытта да бозмагыз. Балалар - безнең киләчәгебез.