22 нче январь көнне башлангыч класслар укытучысы Л.Ф.Ибраһимова 1 нче класс укучылары белән “Туган  телем – иркә гөлем” темасына ачык тәрбия сәгате уздырды. Тәрбия сәгатенең максаты: туган телгә - ана телебезгә мәхәббәт тәрбияләү; телебезне сакларга һәм якларга кирәклеген төшендерү; тел байлыгын үстерү; туган телнең матурлыгын тоярга өйрәтү. Укучылар татар халык авыз иҗаты, Г.Тукай шигырьләре белән дә таныштылар. Тәрбия сәгате кызыклы һәм мавыктыргыч узды.  

22 нче гыйнвар көнне 2 класслар белән “Сөйдергән дә тел, биздергән дә тел” дигән темага кичә үткәрелде туган телгә багышланган табышмакларга җавап бирүдән башланып китте, кичәнең максаты билгеләнде. Кичәдә тел турында мәкальләр,әйтемнәр  өйрәнелде, шигырьләр сөйләнде. 

   21 нче гыйнвар  көнне башлангыч класс укытучысы Закирова Г.Ш.  башлангыч класс укучылары арасында “Тапкырлар һәм зирәкләр” дип аталган КВН үткәрде. КВНда 2 команда, 3 һәм 4 класс укучылары,   катнашты. Беренче команда – “Тапкырлар”, ә икенче команда – “Зирәкләр” иде. КВНда мәкальләрне дәвам итү, табышмакларга, кызыклы сорауларга  җавап табу кебек күңелле  уеннар үткәрелде. Шулай ук иҗекләрдән сүзләр ясауны, кроссворд чишүне укучылар бик теләп башкардылар. 1 урынны – “Зирәкләр” командасы, ә 2 урынны “Тапкырлар” командасы яулады.  “Зирәкләр” командасын җиңүләре белән котлыйбыз.

20 гыйнвар көнне Акчишмә башлангыч мәктәбендә II чирек нәтиҗәләре буенча ата-аналар җыелышы  үтте. “Шәхес  тәрбияләүдә гаилә һәм мәктәп бердәмлеге” темасына Сабирҗанова Х.Ф. чыгыш ясады. Әти-әниләр тест, анкета сорауларына җавап бирделәр. Җыелыш ахырында класс җитәкчеләре әти-әниләрне борчыган сорауларга җавап бирделәр.

Кысна башлангыч мәктәбендә 2 нче чирек нәтиҗәләре буенча "Гаиләдә тәрбияле, белемле бала тәрбияләү серләре" темасына ата-аналар җыелышы узды. Әти-әниләр белән укуга җаваплы караш һәм тәрбия эшләре буенча фикер алышынды. 

Бала чагында алынган тәрбияне соңыннан бөтен дөнья халкы да үзгәртә алмас. 
                                                                                                                      Р. Фәхретдин.

20 января  в 3 классе был  проведён  открытый урок по литературному чтению на тему: «Определение главной мысли произведения.  Эзоп «Отец и сыновья», «Быки и лев».  Урок провела  учительница  начальных  классов Закирова Г.Ш.   На уроке  были использованы  разные  виды работ. Учащиеся познакомились с автобиографией  Эзопа и с его баснями, слушали и проанализировали несколько басен Эзопа из аудиозаписи. Урок прошёл очень оживлённо и интересно.

19 гыйнвар көнне Акчишмә башлангыч мәктәбендә “Туган телем язмышы” темасына тәрбия сәгате үткәрелде.  Укучылар викторинадагы сорауларга  җавап бирделәр, күренекле татар шагыйрьләрен, туган тел турындагы мәкальләрне искә төшерделәр.  Тәрбия сәгате “Туган тел” җыры белән тәмамланды. 

Кысна башлангыч мәктәбендә "Туган телем язмышы" темасына тәрбия сәгате үткәрелде. 

Мин бәхетле шушы туган җирдә,
Һәр ел саен килгән язым бар.
Гомер һәм тел бүләк иткән әнкәм,
Җаным тулы сиңа назым бар.
                                 А.Шагаева 

16 январь көнне 5 класс укучыларының ата-аналар җыелышы булды. Җыелышның темасы “5 класс укучыларының югары классларга адаптациясе” булды. Беренче көн тәртибе буенча класс җитәкчесе Х.С.Рахматуллина математикадан “Гади вакланмалар” темасына ачык дәрес күрсәтте. Икенче көн тәртибе буенча “5 класс укучыларының югары классларга адаптациясе” темасына доклад тыңланды, 2 чирек нәтиҗәләре буенча сөйләшү булды.