7 январь көнне  район мәдәният йортында Актаныш муниципаль районы Хакимият башлыгы Чыршы бәйрәме узды.  Анда безнең мәктәпнең алдынгы укучылары Гафуров Райнур  һәм Закирҗанова Рушания катнашты.  Алдынгыларны башта Кыш бабай һәм Кар кызы котлады, аннан Хакимият башлыгы Камаев Фаил Мисбах улы котлады, Рәхмәт хаты  һәм Яңа ел күчтәнәчләре тапшырды. Соңыннан укучыларга “Снежная королева” әкияте күрсәтелде.

9 нчы гыйнвар көнне мәгариф хезмәткәрләренең кышкы спартакиадасы булды. Программага өстәл теннисы, армспорт, дартс, шахмат, чаңгы, канат тарту кебек ярышлар кертелгән иде. Спартакиадада безнең мәктәп укытучылары актив катнаштылар.

Һәр ел саен декабрь аенда уку алдынгылары, спорт, сәнгать өлкәсендә казанышлары булган укучылар өчен башкалабыз Казан шәһәрендә Республика Яңа ел бәйрәме уздырыла. Быел ул 25 декабрь көнне булды. Анда безнең мәктәбебездән ике ел рәттән татар теленнән Бөтенроссия фәннәр олимпиадасының муниципаль этабында призер булган, спорт өлкәсендә уңышлары булган 9 нчы класс укучысы Гыйздәтуллина Назлыгөл катнашты. 

 “Бозда сак булырмын!” Республика балалар рәсеме конкурсының район этабында “Россия  МЧСы төзелүгә  25 ел, Татарстан Республикасы МЧСы төзелүгә 20 ел” номинациясендә 3 урынны алган 4 класс укучысы Галимҗанова Илнара ( укытучысы – Мусина Г.М.) МКУ “Управление образования” грамотасы белән бүләкләнә. 

26 нчы  декабрь көне мәктәптә Яңа ел бәйрәме үтте. Бәйрәм программасы буенча төрле әкият геройлары чыгыш ясады. Кичә җыр-бию, уен-көлке белән бергә үрелеп барды. Балалар чыршы тирәли әйләнеп Яңа елга багышланган шигырьләр сөйләделәр, җырлар җырладылар. Рәсем ясау, стенгазета чыгару, Яңа ел уенчыклары ясау, маскалар  буенча ярышларга нәтиҗә ясалды. Алдынгы укучылар грамоталар белән бүләкләнде. Бәйрәм ахырында балаларга Кыш бабай күчтәнәчләре таратылды. Бәйрәм бик күңелле үтте. Хуш киләсең, Яңа ел!

9 сыйныф укучысы Гыйздәтуллина Назлыгөл  татар теленнән үткәрелгән олимпиаданың муниципаль этабында призер булды (Укытучысы: М.Ф. Хабирова). Җиңүе белән котлыйбыз!

17 нче декабрь көнне мәктәпнең профсоюз комитеты рәисе Мусина Г.М. Башкарма комитетның актлар залында видеоконференция режимында уздырылган киңәшмәдә катнашты. Киңәшмәдә сүз Татарстан Республикасы  Мәгариф һәм фән Министрлыгы һәм мәгариф хезмәткәрләренең профсоюз комитеты арасында төзелгән тармак килешүенең 2015 нче ел өчен үтәлеше  һәм алдагы елга үзгәрешләр кертү хакында алып барылды.

18 нче декабрь көнне 8 класс укучысы Хуҗин Фарис Байлар Сабасында Наил Хөснулла улы Хамидуллин истәлегенә уздырылган көрәш ачык шәхси турнирында 70 кг га кадәр категориядә 1 урынны яулады. Молодец, Фарис! Котлыйбыз!

19 нчы декабрь көнне 9 класс укучылары Гыйздәтуллина Назлыгөл, Ильясова Сөмбел, Гафуров Райнур һәм Ногманов Алмарислар (укытучылары – Гыйздәтуллин И.М.)  мәктәп данын яклап кышкы сезонны ачу ярышында катнаштылар. 

11 нче декабрьдә сәләтле балалар өчен гуманитар гимназия-интернатта “Талантлы укучы тәрбияләү, үстерү: заман таләбе һәм традициясе” дигән темага китапханәчеләр семинары булып узды. Киңәшмәдә безнең мәктәптән китапханәче Миргалимова Эльвира Вакиф кызы катнашты.