Мәктәбебез укучылары “Йолдызлык” фестиваленең зональ турында уңышлы гына чыгыш ясадылар. Аларны мәктәпнең педагог-организаторы Миргалимова Эьвира Вакиф кызы Һәм Җияш башлангыч мәктәбе укытучысы Гәрәева Флүсә Сабит кызы әзерләделәр. Вокал – соло номинациясендә 9 нчы класс укучысы Гәрәева Резедә һәм конферанс номинациясендә 9 нчы класс укучысы Закирянова Рушания 2 нче турга үттеләр.

4нче февраль көнне Теләкәй мәктәбе базасында Теләкәй төп гомуми белем бирү мәктәбе һәм аның филиалларындагы барлык укучылар, укытучылар, техник хезмәткәрләр ГТО нормативларын тапшыру буенча чарада катнаштылар. 

1-6 февральга кадәр мәктәптә химия атналыгы игълан ителде.

Районыбызда "Ел укытучысы" конкурсының муниципаль этабы үтте. Безнең мәктәптән бу конкурста башлангыч класс укытучысы Минигулова С.Ш. катнашты.

Бу атнада 9 нчы сыйныф укучылары биология фәненнән сынап карау тестлары үттеләр.

Татарстан Республикасы буенча Роспотребнадзор идарәсе мәгълүматләренә караганда 2015 нче елда хайваннар арасында котыру авыруының киң таралуы күзәтелә. Актаныш районында да котырган хайваннарның кешеләргә ташлану очраклары күзәтелә. Укучыларны котыру авыруының нидән гыйбарәт булуы, аны кисәтү чараларын аңлату максатыннан 28 нче гынвар көнне тәрбия эшләре буенча директор урынбасары Мусина Г.М. укучыларга гомуми тәрбия сәгате уздырды, сак булырга кирәклекне аңлатты.

26 нчы гыйнвар көнне тәрбия эшләре буенча директор урынбасары Мусина Г.М. Күҗәкә төп гомуми белем бирү мәктәбендә “Укучылар оешмасы һәм укучылар үзидарәсе эшчәнлеген үстерү, камилләштерү” темасы астында узган семинарда катнашты.