4 январь көнне район күләмендә мәгариф хезмәткәрләре спартакиадасы узды. Педагоглар дартс, өстәл теннисы, шахмат, шорт-трек, турникта тартылу, отжимание, аркан тарту, чаңгы ярышларында көч сынаштылар. Гомуми нәтиҗәләр буенча мәктәп командасы мактаулы өченче урынга лаек булды һәм мактау грамотасы, истәлекле бүләк белән бүләкләнде. Шәхси беренчелектә дартс буенча А.А. Газетдинова - I, турникта тартылуда Р.З. Исхаков - II, чаңгы ярышында Л.Ф. Гайсина - II урынны яуладылар. Ярышта катнашучы барлык педагогларга зур рәхмәт!

31 декабрь көнне Такталачык авылы мәдәният йорты каршында яңа елны каршылау тантанасы оештырылды. Безнең мәктәп коллективы бәйрәмгә үз өлешен кертте: Кыш бабай белән Кар кызы чыгыш ясады, күмәк җыр яңгырады.

27 декабрь көнне актлар залында мәктәп хезмәткәрләре балалары өчен яңа ел тамашасы оештырылды. Мәктәпнең профсоюз оешмасы җитәкчесе Ә.Г.Нуриева барлык тамашачыларны "Сингапурга алып барды". Бәйрәм барышында кызыклы уеннар уйнатылды, Кыш бабай бүләкләре өләшенде, бәйрәмгә кунак итеп  мәгариф ветераннары чакырылды.

26 декабрь көнне 7-11 класс укучылары өчен яңа ел тамашасы оештырылды. Кыш бабай призына оештырылган рәсем конкурсының җиңүчеләре, уку алдынгылары истәлекле бүләкләр, мактау грамоталыры белән бүләкләнде. Бәйрәмне оештыручы 9-10 класс укучыларына, аларның класс җитәкчеләренә зур рәхмәт!

26 декабрь көнне 1-6 класс укучылары өчен "Могҗизалы яңа ел" исемле әкияти тамаша оештырылды. Бәйрәм барышында укучылар кызыклы уеннар уйнадылар, төрле илләрдән килгән Кыш бабайлар - Санта Клаус, Турахан белән таныштылар, Убырлы, Шүрәле, Камырбатыр белән җырладылар, биеделәр. Кыш бабай призына оештырылган рәсем конкурсының җиңүчеләре, уку алдынгылары истәлекле бүләкләр, мактау грамоталары белән бүләкләнде. Барлык класслар да мавыктыргыч концерт номерлары әзерләде.  Класс җитәкчеләренә, бәйрәмне оештыручы 4,6 класс укучыларына, аларның класс җитәкчеләренә зур рәхмәт!   

16 нчы декабрь көнне татар теле фәненнән уздырылган республика олимпиадасының муниципаль турында 9 класс укучысы Хөрматуллина Гөлназ Роберт кызы призёр булды(II урын). Укытучысы: Әлфия Гавис кызы Нуриева.

9-14 декабрь көннәрендә башлангыч классларда методик атна булды. Классларда ачык дәресләр, төрле конкурслар үткәрелде. Яңа елга әзерлек бара.

Сегодня в школе состоялся мониторинг исследований обучающихся 4 классов по русскому языку.

 Cегодня учащиеся 10-го класса проходят интернет-тестирование по математике, русскому языку, английскому языку, биологии, химии, информатике, истории, обществознанию

Cегодня учащиеся 11-го класса проходят интернет-тестирование по математике, русскому и английскому языку и по русской литературе.