12 нче Республикакүләм "Дети рисуют страну" бәйгесенең беренче этабына йомгак ясалды.  Укучыларның эшләре жюри тарафыннан бәяләнде (Җитәкчеләре - Вәлиева И.М. , Шәмсиева М.Р. ) һәм грамоталар, истәлекле бүләкләр белән бүләкләнде. 4 класстан Газетдинова Г. 1 урын, Гайсина Ә. 3 урын, Шәрифҗанова Г. 2 урын, 3 класстан Арсланов И, Галиев Н. шулай ук призлы урыннарга лаек булдылар. 1 класс укучысы Ягудина К. иң кечкенә рәссам буларак махсус бүләккә ия булды.

В целях популяризации среди школьников современных способов кулинарной обработки продуктов и совершенствования мастерства культуры обслуживания в сфере общественного питания. Конкурс направлен на решение следующих задач: повышение уровня и престижности технологического образования школьников;  привлечение внимания выпускников общеобразовательных учреждений к сфере профессиональной деятельности, связанной с технологией изготовления кулинарной продукции; выявление и поощрение наиболее способных и творчески одаренных учащихся общеобразовательных учреждений; выявление и поощрение наиболее творчески работающих учителей, 17 мая  был проведен конкурс кулинарного мастерства «Проф.дебют» (Далее - Конкурс) проводится среди учащихся 9 классов общеобразовательных школ Актанышского муниципального района в Государственном автономном профессиональном образовательном учреждении «Актанышский технологический техникум» в рамках организации профориентационной работы, осуществления взаимодействия с учреждениями профессионального образования. Ученица 9 класса Шакирова Эльвина заняла 3 место  по компетенции «Поварское дело» и «Татар ашлары». Поздравляем!

Яшәгән төбәкнең тарихын, бүгенге сулышын өйрәнү, балаларда, яшүсмерләрдә һәм яшьләрдә туган як табигатенә, авыл кешеләре язмышына, тормыш-көнкүрешенә мәхәббәт тәрбияләү; ата-бабаларыбыз мирасын барлау, авылга хас гореф-гадәтләрне, бәйрәм-йолаларны өйрәнү,балаларның, яшүсмерләрнең һәм яшьләрнең иҗади мөмкинлекләрен үстерү, журналистика, әдәбият, сәнгать, мәдәният өлкәләрендә интеллектуаль иҗат эшчәнлекләрен киңәйтү; тарихи чыганаклардан эзлекле файдаланырга өйрәнү, белемгә сәләтле, иҗади талантлы балаларны, яшүсмерләрне һәм яшьләрне ачык­лау, аларга һөнәр сайлауда юнәлеш бирү, балаларны, яшүсмерләрне һәм яшьләрне патриотик рухта тәрбияләү, аларда итәгатьлелек, мәрхәмәтлелек, кешелеклелек сыйфатларын формалаштыру максатыннан,  Актаныш муниципаль районы Башкарма комитеты  ТР язучылар берлеге, “ТАТМЕДИА” АҖ филиалы “Актаныш ММҮ”, Актаныш муниципаль районы мәгариф идарәсе белән берлектә, Г.Афзал исемендәге иҗат бәйгесен оештырды. Бәйгегә Мөслим, Сарман, Башкортостанның Дүртөйле һәм Илеш районнарыннан да укучылар катнашты. Барлыгы 173 эш тәкъдим ителеп, шуның 29 ы финалга үтте. Мәктәбебездән 4 нче сыйныф укучысы Гайсина Әдилә "Шигырь" номинациясендә, 8 нче сыйныф укучысы Марданов Рияз "Тарихи хикәя" номинациясендә 3 нче урынга лаек дип табылдылар, диплом белән бүләкләнделәр. Җитәкчеләре Л.Ф.Гайсина, А.А.Газетдинова. 

Учащиеся 9 класса  будут сдавать ОГЭ по следующим датам: 29 мая - русский язык, 31 мая - информатика, обществознание, биология, 5 июня - математика, 9 июня - обществознание. Желаем успехов!

Башлангыч сыйныф укучылары 9 май - Җиңү көненә багышланган  "Асфальтта рәсемнәр" акциясенә теләп кушылды. Төсле акбурлар ярдәмендә алар тынычлык, иминлек, кояшлы балачак илен рәсем итеп ясадылар.

Фоторепортаж

Бөек Җиңүнең 73 еллыгы уңаеннан оештырылган тантаналы митингта авыл халкы, тыл һәм хезмәт ветераннары, төп гомуми белем бирү мәктәбе һәм интернат-мәктәп укучылары, укытучылар, кайткан кунаклар катнашты. «Үлемсез полк» акциясе – 9 май бәйрәменең тагын бер күркәм традицияләренең берсе. Халык сугышта катнашкан, яу кырында ятып калган туганнарының истәлекле фотосурәтләре белән урамга чыга. Бәйрәм чарасын авыл халкы да "Үлемсез полк" акциясе белән башлап җибәрде. Район мәгариф бүлеге җитәкчесе Вахитов Илшат Рәфит улы, авыл җирлеге башлыгы Рәдис Мирзануров, авыл имамы Шәфигулла хәзрәт, отставкадагы офицер, хезмәт ветераны, мәгариф отличнигы Яркәев Альберт Барый улы авыл халкын бәйрәм котлады. Яуда ятып калганнар бер минут тынлык белән искә алынды, Билгесез солдат һәйкәленә чәчәкләр салынды. Бәйрәм тантанасы балаларның шигырь, биюләре белән аралашып барды, укучылар үзләре әзерләгән бүләкләрен ветераннарга тапшырды. Чара күмәкләп истәлеккә фотога төшү белән тәмамланды.

9 нчы Май Җиңү көне буларак билгеләп үтелә.Тик шулай да, күпме еллар узса да, халык хәтерендә Бөек Ватан сугышы иң авыр, иң дәһшәтле сугыш буларак сакланыр һәм халкыбызның кылган батырлыклары һәрвакыт хөрмәт һәм соклану белән искә алыныр. Бу уңайдан 6 сыйныфта "Искә алабыз ул көннәрне", 5 сыйныфта "Батырларның даны мәңгелек" исеме астында класс сәгатьләре узды.

4 май көнне мәктәпнең актлар залында авылдашыбыз, шагыйрь Ленар Шәехнең иҗатына багышланган кичә оештырылды. Чарада шагыйрь үзе,әти-әнисе, туганнары, гаилә дуслары, каләмдәш дусты Рифат Сәлах, "Агыйдел дулкыннары" иҗади берләшмәсе әгъзалары: Рәмзия Әхмәтова, Фәнәвис Дәүләтбаев, Роберт Сәлахиев, район үзәк китапханәсе җитәкчесе Шәмсунова Ландыш Җәүдәт кызы, укытучылар, укучылар катнашты. Кичә Такталачык авылыннан чыккан күренекле әдип  Гамил Афзалның язмышына багышланган видеосюжет белән башланып китте. Бу һич тә очраклы түгел, чөнки якташыбыз иҗаты Ленар Шәехкә шигърият иленә керүгә зур этәргеч бирә. Чара барышында Л.Шәехнең әнисе Лениза апа, гаилә дуслары, язучы-шагыйрьләр, укучылар чыгыш ясап, яшь әдипнең шигырьләрен укыдылар, үзләренең тәүге иҗат җимешләре белән таныштырдылар. Кичә эчтәлекле һәм кызыклы үтте, аны авыл китапханәчесе Д.Ш.Гайсина алып барды. Л.Шәех үзе дә сәхнәдән шигырьләрен укыды, авыл һәм мәктәп китапханәсенә китаплар бүләк итте. Чара күмәкләп истәлеккә фотога төшү белән тәмамланды.