Өлкәннәр ункөнлеге район күләмендә ярминкә белән башланып китте. Мәктәп коллективы ярминкәдә тәҗрибә участогында үстерелгән җиләк-җимеш, яшелчә тәкъдим итте.

Фән олимпиадаларының мәктәп туры башланып китте. 28 сентябрь көнне укучылар математика фәненнән белемнәрен барлады.

Россия президенты В.В.Путинның Указы буенча Рәсәйдә Волонтёрлар елы дип игълан ителү уңаеннан, Актаныш үзәкләштерелгән китапханәсе, "Бергә - игелек дөньясына!" исемле фестивален уздырды. Әлеге чарага йомгак 26 сентябрь көнне үзәк китапханәнең уку залында ясалды. Бүләкләү тантанасына бишенче сыйныф укучылары Гайсина Әдилә һәм Газетдинова Гөльяр җитәкчеләре Ильмира Мәгъсүм кызы Вәлиева  белән чакырылды. Аларга үзәк китапханә җитәкчесе Шамсунова Ландыш Җәүдәт кызы Мактау грамоталары һәм истәлекле бүләкләр тапшырды.

25 нче сентябрь көнне Актаныш үзәк больницасы хезмәткәрләре тарафыннан укучыларга манту прививкасы ясалды.

Бүген гадәттән тыш хәл вакытында үз-үзеңне тоту һәм куркынычсызлык кагыйдәләрен дөрес үтәү күнекмәләрен тиешле югарылыкка күтәрү максатыннан, мәктәбебез укучылары, укытучылары  һәм техник эшчеләре белән янгын килеп чыгу вакытында эвакуация күнегүе уздырылды.

Мәктәп яны тәҗрибә участогында көзге уңышны җыйнау эше төгәлләнеп килә. Укучылар, укытучылар, техник хезмәткәрләр белән берлектә, кишер, чөгендер алынды; карамиләш җыелды. 

В Татарстане стартовал конкурс среди школьников «IT-чемпион». Главная задача юных участников конкурса – приобщить родителей и взрослых к активному пользованию электронными сервисами на Портале госуслуг РТ и заработать при этом максимальное количество призовых баллов. Конкурс проводится Министерством информатизации и связи РТ совместно с Министерством образования и науки РТ с целью развития цифровых навыков школьников и повышения компьютерной грамотности населения.

16 нчы сентябрь көнне "Кросс нации"  акциясенә  мәктәбебез укучылары  да кушылды. Менә алар: Габдуллина Алинә, Зарипов Айдар, Минаев Ирек, Зарипов Айнур, Бәхтиев Айдар, Галиева Филүзә, Галиев Булат, Салахова Алия, Шарафутдинова Гүзәл. Минаев Ирек 4 нче, Галиев Булат 5 нче булып килеп, яхшы нәтиҗә күрсәтте. Укучыларыбызга киләчәк ярышларда тагын да зуррак уңышлар телибез.

Сентябрь ае терроризмга каршы көрәш айлыгы буларак игълан ителде. Бу уңайдан гомуми линейкада тәрбия эшләре буенча директор урынбасары Р.Р.Гайсин тарафыннан аңлату эшләре алып  барылды; укучылар, укытучылар, техник хезмәткәрләр өчен мөһим мәгълүматлар җиткерелде. Әлеге юнәлештә эш класс сәгатьләре барышында дәвам итә. Тирә-ягыбызга игътибарлы булыйк. Иминлек үз кулыбызда.

Бүген  барлык укучыларны мәктәпкә дәшеп, 2018-2019 уку елының тәүге кыңгыравы чыңлады. Бүгенге бәйрәм чарасы мәктәпнең чәчәкләргә төрелгән ишегалдында башланып китте. Укучыларны мәктәпкә озатучылар арасында әти-әниләр дә, әби-бабайлар да, апа-сеңелләр дә, абый-энеләр дә бар иде. Гомер юлларын биредә балаларга белем һәм тәрбия бирүгә багышлаган ветеран укытучылар да тантаналы чараның дәрәҗәле кунаклары буларак катнашты. Такталачык төп гомуми белем бирү мәктәбе быелгы уку елына 4 беренче сыйныф укучысын кабул итеп алды. Балалар бу мәктәпкә 3 җирлекнең 8 авылыннан килеп белем алалар.Укучы буларак мәктәп бусагасын тәүге тапкыр атлап керүче нәниләрне тәбрик итәргә районның  автотранспорт хуҗалыгы баш инженеры Әлхәт Рахматуллин, “Таң” хуҗалыгы җитәкчесе Рафис Миңнеханов,  җирлек башлыгы Рәдис Мирзануров, Мәсәде авыл җирлеге башлыгы Флүрә Минһаҗетдинова, авыл имамы Шәфик Хәбибуллин, Такталачык дәвалану амбулаториясе мөдире, гомумгамәли табиб  Ленар Минхуҗиннар килгән иде. Алар һәммәсе дә укучыларга бүләк каплары, уку – язу әсбаплары тапшырдылар. Тәбрикләү мизгелләре укучылар тарафыннан әзерләнгән  бәйрәм программасы белән дәвам итте. Чара барышында узган уку елында төрле бәйге, ярышларда катнашкан укучыларга Рәхмәт хатлары, Мактау грамоталары тапшырылды. Тантананың кульминацион өлешендә бүгенге көннең төп символы булган кыңгырау балаларны яңа уку елына дәшеп чыңлады. 3 ай дәвамында мөгаллимнәрен сагынган укучылар аларны чәчәк бәйләмнәренә күмде.