"Тынычлык хакына" дип аталган район шигырь конкурсында 6 класс укучысы Ситдиков Ирек, 3 класс укучысы Сабирова Сөмбел, 4 класс укучысы Маликов Тәлгат Актаныш үзәк балалар китапханәсенең Рәхмәт хатына лаек булдылар.

21 февраль көнне мәктәптә Туган тел көне үткәрелде. Укучылар туган тел турында шигырьләр сөйләделәр, җырлар җырладылар. Оештыручы татар теле һәм әдәбияты укытучысы Гаянова Ф.Г.

 Район күләмендә уздырылган "Иң яхшы проект" конкурсында 1 һәм 3 класс укучылары (җитәкчеләре Мохтарова Ә.А.,Гафурова А.И.)  беренче урынны, ә 2 класс укучылары (җитәкчесе Гардиева Ф.В.) икенче урынны алдылар. Котлыйбыз!

Әфган җиреннән совет гаскәрләре чыгарылуга 26 ел тулу уңаеннан интернационалист - сугышчыларны искә алу көне уздырылды.

Бөек Җиңүнең 70 еллыгына багышланган, район үзәк китапханәсе оештырган шигырь конкурсында безнең мәктәптән Маликов Тәлгат, Сабирова Сөмбел, Ситдиков Ирек катнаштылар.

Башлангыч класс укучылары район күләмендә узачак иҗади-эзләнүле проект эшенә әзерләнәләр. Аларга уңышлар телибез!

10 февраль көнне мәктәптә Әлифба бәйрәме үткәрелде. Бәйрәмгә укучыларның ата-аналары чакырылды. Укучылар үзләренең белемнәрен, җыр - биюгә сәләтләрен күрсәттеләр. Класс җитәкчесе Мохтарова Ә.А., ата-аналар, укучылар беренче класс укучыларын бәйрәм белән котладылар, бүләкләр тапшырдылар.

8 февраля на лыжной базе "Буляк" проводился массовые лыжные соревнования «Лыжня Татарстана – 2015» в рамках Всероссийского дня лыжника «Лыжня России – 2015», в которых принимал участие весь коллектив.

5 февраль көнне Актанышның икенче мәктәбендә Бөек Җиңүнең 70 еллыгына багышланган баннер яклау конкурсында 6 класс укучысы Ситдиков Ирек катнашты.

4 нче февраль көнне, Җиңүнең 70 еллыгына багышлап, "Яшь атучы-2015" район спорт ярышлары үтте. 9 класс укучылары Фатхуллин Ранис,Закиров Данияр, Хасанова Диана катнашындагы команда 6 урын алды. Ранис үзе 1 урын яулады.