Мәктәптә 7 декабрьдән 12 декабрьгә кадәр математика атналыгы игълан ителде.

"Туган телем - шагыйрьләр теле" республика фәнни - эзләнү конференциясендә Мөхәммәт Мирза иҗатына багышланган иҗади эш белән 7 сыйныф укучысы Ситдиков Ирек катнашып 3 урынга лаек булды. Котлыйбыз! Җитәкчесе Гаянова Ф.Г.

Ата-аналар һәм укытучылар белән берлектә төзелгән рейд графигы нигезендә 19.00 - 21.00 гә кадәр урамда, мәдәният йортында дежурлык үткәрелә. Бу атнада укытучы Шаймухаметова Рушания белән берлектә Вакилова Фирдүсә һәм Габдуллина Фәйрүзәләр рейдта булдылар.

1 декабрь - Бөтендөнья СПИДка каршы көрәш көне. Шул уңайдан 5-9 классларда "Сәламәт яшик!" дигән темага класс сәгатьләре үтте. Укучыларга СПИДның куркыныч авыру икәнлеге, аны булдырмый калдыру һәм профилактик чаралар аңлатылды.

Бүген район күләмендә акробатика буенча ярыш булды. Безнең мәктәптән 7 класс укучысы Ситдиков Ирек һәм 9 класс укучысы Хасанова Диана катнашты. Икесе дә 1 урынны алдылар, уңышлары белән котлыйбыз! Җитәкчесе Нургалиев И.И.

Балаларның техник иҗат республика фестивалендә 7 класс укучысы Харисов Газизгә "Ракетомоделирование" номинациясе буенча сертификат тапшырылды. Җитәкчесе Нургалиев И.И.

Теләкәй төп гомуми белем бирү мәктәбе базасында "Федераль дәүләт белем стандартларын гамәлгә ашыру шартларында укучылар эшчәнлеген оештыру" дигән темага татар теле һәм әдәбияты укытучыларының район семинары булды. 

Актаныш интернат кадет мәктәп базасында "Обеспечение гражданского становления кадетов" дигән темага директорлар семинары булды.Семинарда ачык дәресләр һәм класстан тыш чара күрсәтелде. Безнең мәктәптән Хузин И.Т. катнашты.

1 декабрьдән алып 10 декабрьгә кадәр инвалидлар ункөнлеге игълан ителде. Шул уңайдан мәктәптә эш планы төзелде.

Кадерле әниләребез! Сезне ихлас күңелдән Әниләр көне белән тәбрик итәбез.Сезгә бары тик сәламәтлек, гаилә бәхете, җан тынычлыгы телибез. Шушы бәйрәм көне күңелегезгә шатлык, тәнегезгә сихәтлек, өегезгә иминлек алып килсен! Иң изге теләкләр белән мәктәп дирекциясе.