Авыл җирлекләре арасында оештырылган "Яңа елга иң яхшы бизәлеш" бәйгесендә катнашып, мәктәп коллективы Актаныш муниципаль районы Башлыгының рәхмәт хатына лаек булды.

Татар Ямалы авыл җирлеге советы Яңа 2016 ел бәйрәмен үткәрүдә актив өлеш керткәне өчен мәктәп коллективын рәхмәт хаты белән бүләкләде.

28 декабрь көнне "Реализация принципы воспитания изложенных в ФГОС ООО" дигән темага педагогик киңәшмә үткәрелде. Укыту-тәрбия эшләре буенча директор урынбасары И.Р.Гильманованың чыгышы тыңланды, беренче яртыеллык нәтиҗәләренә анализ ясалды, класс җитәкчеләренең чыгышлары тыңланды, алга бурычлар куелды.

28 декабрь көнне профсоюз ёлкасы үткәрелде. Бәйрәм тантанасы уеннар, җыр-биюләр белән үрелеп барды. Бәйрәм өлкәннәрнең дә, балаларның да күңеленә хуш килде.

Кышкы каникуллар башланды. Укучыларның озын ялларын  дөрес һәм файдалы үткәрү өчен каникул  планы төзелде. 9 класс укучылары өчен график нигезендә фәннәр буенча консультацияләр үткәреләчәк. 

Хөрмәтле коллегалар! Сезне барыгызны да якынлашып килүче Яңа ел бәйрәмнәре белән котлыйбыз. Сәламәтлек, бәхет, шатлык белән тулы көннәр, эшегездә һәм тормышыгызда зур уңышлар теләп калабыз. Хыялларыгызның һәр барчасы тормышка ашсын, бәхетләрегез ташып торсын. Сезгә гаилә бәхете, җан тынычлыгы телибез. Яңа ел сезгә бары тик шатлык - куанычлар алып килсен. Иң изге теләкләр белән мәктәп дирекциясе.

 "Ф.Насыров" исемендәге балалар оешмасы волонтёрлары Бөк Ватан сугышы ветераннары истәлегенә кедр агачы орлыгы утырттылар.

26 декабрь көнне икенче чирек йомгакланды.Укучыларга билгеләр аңлатылды, класс җитәкчеләре кышкы каникулга куркынычсызлык кагыйдәләре буенча инструктаж алдылар. Укучылар кышкы каникулга озатылды.

һәр елдагыча авылның мәдәният йорты каршында кар сыннары ясала. Быелда бу күркәм традицияне дәвам итеп укытучылар коллективы матур итеп кар сыннарын ясап куйдылар.

Бүген 5-9 класс укучылары өчен "Зәңгәр ут яктысында" дип аталган Яңа ел бәйрәме үткәрелде. Укучылар Кыш бабайны зур уңышлар белән каршы алдылар.