Өлкәннәр ункөнлеге декадасы кысаларында “ Минем яраткан бабам”, ”Минем яраткан әбием” темаларына рәсем конкурсы булып узды. Бу конкурста 1 урынны -3 класс укучысы Салихов Фирзәр, 2 урынны - 2 класс укучысы Шәйхетдинова Таңсылу, 3 урынны -  4 класс укучысы  Шакурова Айзилә яуладылар. Катнашкан укучыларга зур рәхмәт.

Өлкәннәр декадасы кысаларында 9 класс укучылары 8 октябрь көнне Ханипова Хәлимә апа янына бардылар, аның хәлләрен белешеп, бәйрәм белән котлап, хуҗалык эшләрендә булыштылар. 

Бүген мәктәбебездә традициягә кереп киткән авиапланерларга конкурс булып узды. Һәр елдагыча укучылар бу конкурска бик нык әзерлек белән катнаштылар. Урыннар 3 номинациядә билгеләнде. 

Укучыларның Бөтенроссия фән олимпиадаларының мәктәп этаплары дәвам итә. Бүген, ягъни 8 нче октябрь көнне ОБЖ фәненнән узган бу бәйгедә 8-9 класс, 10-11 класс укучылары катнашты. Иртәгә алар практикадан көч сынашачак. Укучыларыбызга уңышлар телибез!

Укучыларның Бөтенроссия фән олимпиадаларының мәктәп этаплары дәвам итә. 6 октябрь көнне нчы   җәмгыять белеменнән узган бу бәйгедә барлык класс укучылары да теләп катнашты. Җиңүче укучыларга район этабында уңышлар телибез!

Өлкәннәр декадасы кысаларында 11 класс укучылары 5 октябрь көнне Хаҗиева Зинзифа апа янына бардылар, аны бәйрәм белән котлап, хуҗалык эшләрендә булыштылар.

Наша школа заняла 2 место в муниципальном этапе республиканского конкурса  "Лучшая школьная библиотека-2015" . Поздравляем педагога- библиотекаря  школы Ильдарову Лайлу Фанисовну! Молодец!

Хөрмәтле Укытучыларыбыз! Сезне һөнәри бәйрәмегез белән чын күңелдән котлыйбыз. Авыр, әмма җаваплы һәм мактаулы эшегездә зур уңышлар, саулык-сәламәтлек, бәхет, шатлык, озын гомер телибез. Шул уңайдан мәктәбебез укучылары 6 октябрь көнне укытучыларыбызга, лаеклы ялдагы укытучыларыбызга үзләренең җыр-моңнарын, матур биюләрен бүләк иттеләр. Укытучыларыбызны ял иттергән өчен, укучыларыбызга зур рәхмәт!

 "Татар теле. ИНФО "тарафыннан үткәрелгән IV Халыкара олимпиадада 5 сыйныфтан Нурлыгаянов Илгиз, 7сыйныфтан Нурлыгаянов Мансур, 9 нчы сыйныфтан Гыйлмуллин Илназ, 10 сыйныфтан Ямалетдинова Айзирәләр катнашып, диплом белән бүләкләнделәр. Укытучылары Нурлыгаянова Ләйлә Шәйхенур кызы.

Өлкәннәр декадасына багышланган чаралар дәвам итә. Мәктәбебез ашханәсендә өлкәннәребез  бәйрәм табыны артына жыелдылар. Бәйрәм уеннар, җыр-биюләр белән үрелеп барды.