Укучыларда патриотизм хисе һәм Ватанга карата мәхәббәт уяту максатыннан  3 нче декабрь  көнне 7 класс укучыларына “ Батырлык дәресе” үткәрелде. Дәрес барышында балаларга патриотизм төшенчәсе аңлатылды, батырлык үрнәкләре күрсәткән  совет һәм рус солдатлары турында  презентация күрсәтелде.

Мәктәбебездә әниләр көнен билгеләп үтү дәвам итә. 1 нче декабрь көнне 8-9 нчы сыйныф укучылары һәм әниләре катнашында “ Көннең яктылыгы - кояшта, күк йөзенең матурлыгы - йолдызларда, җир йөзенең матурлыгы - әниләрдә” баш астында кичә үткәрелде. “Мизгел” һәм “Ярканат” командаларына бүленеп, әниләр арасында уен-бәйге үткәрелде. Кичә укучыларның да, әниләрнең дә күңеленә хуш килде. Кичә чәй табыны артында дәвам итте.

Сегодня 9 выпускников нашей школы 11 класса будут писать итоговое сочинение, необходимое для допуска к ЕГЭ – 2016. Школьники будут писать работу- 3 часа 55 минут.

    Бүген, ягъни 2нче декабрь көнне, 9 нчы сыйныф укучылары математика фәненнән сынап карау имтиханы эшләделәр.

Коррупция җәмгыятьтә таралган начар күренешләрнең берсе. Аны булдырмау, аңа каршы көрәш максатыннан  2 нче декабрь көнне 7  класс укучылары белән “ Коррупциягә - юк дибез!”  дип исемләнгән класс сәгате үткәрелде. 

Матур традициягә кереп киткән “Әниләр көне” бәйрәме 30 нчы ноябрь көнне 7 нче класс укучылары тарафыннан үткәрелде. Бәйрәмгә килгән әниләргә концерт номерлары күрсәтелде, уеннар уйнатылды һәм укучылар үзләре эшләгән бүләкләрен әниләренә тапшырдылар. Бәйрәм  өстәл табыны артында дәвам итте.

28 ноябрь көнне 2 классларда “Әниләр бәйрәме” үткәрелде. Балалар “Әниләрне кадерлик” дигән сәхнә әсәре күрсәттеләр. Әниләргә багышлап җырлар җырладылар, шигырьләр сөйләделәр. Бәйрәм чәй табыны артында дәвам итте. Кичә балаларга да , әниләргә дә бик ошады

7 класс укучылары һәр атнада дөньяда баручы вакыйгалар белән танышып баралар. Бу атнада Нурлыгаянов Мансур Россиядәге һәм Сирия дәүләтендәге вакыйгаларны иптәшләренә җиткерде.

Буген, ягъни  30 нчы ноябрь көнне мәктәбебез  укучылары  медицина күзәтүе үттеләр.  Аларга “манту” пробасы ясалды.

28 нче ноябрь көнне 1-3 классларда  ата-аналар җыелышы булып узды. Көн тәртибендә белем сыйфаты, тәртип, куркынычсызлык кагыйдәләре турында сөйләшү булды. Җыелыштан соң “Әнием  минем бер генә” баш астында әниләр бәйрәме уздырылды. Бәйрәм чәй табыны артында дәвам итте.