Һәрбер чорның үз матурлыгы бар. Кыш үзенең әче бураннары, яз - тезелешеп кайткан кыр казлары белән матур. Җәйнең йөзен аллы-гөлле чәчәкләр бизи. Ә көз? Алтын көз! Исеме дә әнә нинди матур яңгырый. Болай әйткән вакытта без табигатьтәге буяу-бизәкләрне генә күздә тотмыйбыз. Көзнең алтынлыгы, аның муллыгы һәм күркәмлеге көзге муллык белән билгеләнә.

Борын заманнарда бер авыл агаеннан

- Синеңчә яз яхшыракмы, әллә көзме?- дип сораганнар.

Ул, һич тә аптырамыйча:

- Күз өчен яз яхшы, авыз өчен көз яхшы,- дип җавап биргән.

Менә шундый авыз өчен яхшы булган табигатьнең иң асыл фасылында безнең мәктәп укучылары Уңыш бәйрәменә җыйналдылар һәм “Тәмле көрәш” бәйгесендә көч сынаштылар. Көзге уңыштан ризык әзерләүдә 8 класс укучыларына тиңнәр табылмады. Котлыйбыз!

Район үзәгендә булып узган акробатика ярышында безнең мәктәп командасы 1 урын алды. Укытучы Кәлимуллина Г.Р. Котлыйбыз!

Район үзәгендә булып узган ГТО фестиваленнән безнең мәктәп командасы 3 урын яулап кайтты. Команда җитәкчесе Кәлимуллина Г.Р.  Котлыйбыз!

25 октябрь көнне МЧС ның Байсар бүлеге хезмәткәрләре катнашында 1-4 класслар өчен дәрес үткәрелде.

9 класс укучылары тарих һәм җәмгыять белеме укытучысы Хәйриева Л.Г. җитәкчелегендә Иске Байсар авыл җирлеге Советы бинасына экскурсиягә бардылар. Лилия апа Мансурова укучыларны үзләренең эшчәнлекләре белән таныштырды.

Ункөнлек планы

 1.      Мәктәп укучылары арасында "Минем бабам (әбием) - ветеран" иншалар бәйгесе - 1-10 октябрь

2.      Ялгыз яшәүче өлкәннәргә волонтерлар ярдәме - 1-10 октябрь

3.      Мәктәптә ветераннарны хөрмәтләү - декада барышында

4.      Район тарихында данлыклы ветераннар белән мәктәптә очрашулар үткәрү - декада барышында

5.      Өлкән яшьтәге мөселман хатын-кызлар белән мәчеттә очрашулар: "Ничек яшисең, мөслимә?" - декада барышында

Бүген мәктәпткә язучылар килделәр. Алмаз Хәмзин белән Алмаз Гыймадиев укучылар белән очрашу үткәрделәр. Ахырдан балалар язучылар белән истәлеккә фотога төштеләр.