Балаларның дуслык, бергәләп эшләү эшчәнлекләрен үстерү, театр сәнгатенә тарту максатыннан район күләмендә  "Театр - яктылыкка, нурга илтә" дигән бәйге оештырылды.Мәктәпкә хәзерлек группасы балалары тәрбияче Хуҗина Р.Г. җитәкчелегендә "Үрдәк яңа дуслар эзли", зурлар группасы балалары тәрбияче Солтанова Ә.Н. оештырган "Батыр әтәч" театры жюри членнарына һәм ата-аналарга тәкъдим иттеләр.

Театр һәр кеше күңеленең иң түрендә күңелле мизгелләрнең берсе булып урын ала. Чаллы шәһәренең "Хыял" курчак театры артистлары безгә үз күчтәнәчләрен бүләк иттеләр.Алар башкорт,удмурд,чуаш һәм татар әкиятләреннән куурчак театры күрсәттеләр.Әкиятләрдә халкыбызның рухи мәдәнияте урын алды. Әкият геройлары рәхим - шәфкатьле, ярдәмчел булырга өйрәнделәр.Театр аша балаларда төрле милләт халыкларына хөрмәт,дуслык хисләре тәрбияләнде, төрле милләт халыклары турында балаларның белемнәре баетылды.

Район күләмендә "Ел тәрбиячесе-2018" Республикакүләм бәйгенең муниципаль этабы җиңүчеләрен, лауреатларын бүләкләү тантанасы уздырылды.Тәрбиячебез Валиуллова Ирина Ирек кызы шушы бүләккә лаек булды.

Районыбызның мәгариф өлкәсендә куйган хезмәтләре өчен хезмәттәшебез, музыка җитәкчесе Салихова Чулпан Дәниф кызы  Актаныш муниципаль районы башлыгының Рәхмәт хаты белән бүләкләнде.Котлыйбыз.

Тәрәз төбем - гөлбакча

Чәчәкләр үстерәбез.

Балалар белән бергә,

Һәркөн сулар сибәбез.

Балалар үзләре чәчкән орлыклардан шытып чыккан чәчәк  үсентеләрен карап, күзәтеп торалар. Аларга үсәргә  яктылык,су, һава кирәклеген дә беләләр.Көн саен бик теләп үсентеләрне күзәтәләр.

Балаларда театрга, матур әдәбияткә кызыксындыру уяту, курчакларны дөрес итеп уйнарга өйрәтү максатыннан  тәрбияче Солтанова Ә.Н. җитәкчелегендә  зурлар группасы балалары "Батыр әтәч" татар халык әкиятен сәхнәләштерделәр.Балалар образларга кереп , үз тавышлары белән, сәнгатьле дөрес интонация  белән сөйләрделәр.

Тәрбияче Хуҗина Р.Г. җитәкчелегендә мәктәпкә әзерлек группасы балалары А.Алишның "Сертотмас урдәк" әкиятен яңача сәхнәләштерделәр. Үрдәк яңа дуслар, яңа җирләр күреп кайткач дусларына Туган җирдән дә матур җир юклыгына төшендерде.

Балалар әкият геройлары аша тирә- юньдәгеләрнең кыен хәлдә калганнарын күреп ярдәмгә килергә, мимикалар аша әкиятнең эчтәлеген ачып бирергә, дус -тату булып, һәр рольнең кирәклеген, бер- берсенә бәйлелеген тоеп уйнарга өйрәнделәр.

База площадкасының чираттагы  семинары  Әгъбәс балалар бакчасында "Балаларны икетеллелеккә өйрәтүдә  методик алымнар куллану" дигән темада узды.Мәктәп директоры, башлангыч класс укытучылары да әлеге семинарда катнашып  зурлар ,мәктәпкә хәзерлек төркемчәсендә  сөйләм үстерү һәм грамотага өйрәнү белем бирү эшчәнлекләрен карадылар, үз фикерләре белән уртаклаштылар.

Кечкенәләр группасында  ата-аналар белән эшчәнлек тыгыз элемтәдә алып барыла.Район методик берләшмәсенә йөрүче тәрбиячеләргә " Чуар тавык" әкиятен сәхнәләштерелеп күрсәттеләр.

"Яшел ут -2018" Республика бәйгесенең район этабында  1 урынны яуладык һәм ЮХИДИ фонды җитәкчесе  Саетова Р.З. истәлекле бүләк тапшырды.Юлларда сак йөрергә чакырды.