Актанышта "Йолдызлык-2018" фестиваленең район туры төгәлләнде.  20 февраль көнне Әлфия Афзалова исемендәге мәдәният йортында  “Йолдызлык-2018”  республика бәйгесенең  мәктәп яшендәге балалар  арасында район туры гала-концерты гөрләде.

Нәтиҗәләр түбәндәгечә:

урта мәктәпләр арасында:

1 урын - Актаныш 1нче санлы мәктәбе,Актаныш 2нче санлы мәктәбе;

2 урын - Актаныш гимназия- интернаты; Актаныш технологик техникумы;

3 урын - Киров,Пучы, Сәфәр мәктәпләре.

төп гомуми белем бирү мәктәпләре арасында:

1 урын – Иске Кормаш  мәктәбе;

2урын – Байсар мәктәбе;

3 урын – Яңа Әлем мәктәбе.

“Иң актив мәктәпләр”- Мари Суксу һәм Чуракай төп гомуми белем бирү мәктәпләре.

Минзәлә шәһәрендә үтәчәк зона бәйгесендә уңышлар юлдаш булсын!

     15-17 февраль көннәрендә Алабуга шәһәрендә яшүсмерләр арасында Татарстан Республикасының татарча көрәш буенча беренчелеге булып узды. Пучы Балалар иҗат үзәгенең көрәш  түгәрәгендә  шөгыльләнүче укучылары әлеге ярышта көч сынаштылар.  Үз  авырлыкларында: I урын - Шамсиев Ильназ;  Рузибоев Дамир;

                               3 урын - Хәбетдинов Салават.

Горурланып әйтә  алабыз – Пучы авылында  Татарстан чемпионнары бар!

Тренер - Садри Әнис Мөхәммәтнур улы.

"Йолдызлык-2018" бәйгесе җиңүчеләре зур концертка җыйналдылар. Гала концерт. бәйге нигезләмәсе буенча һәр номинациядә җиңү яулаган беренче, икенче, өченче дәрәҗә лауреатлар катнашында узды.Җиңүчеләргә диплом һәм истәлек бүләкләре тапшырылды.
Гомуми нәтиҗәләр түбәндәгечә:
авыл балалар бакчалары арасында:
I урын - Пучы балалар бакчасы;
II урын - Әгъбәз, Богады балалар бакчалары;
III урын - Яңа Әлем балалар бакчасы.
Район үзәге балалар бакчалары арасында:
I урын - "Әтәчкәй" "Ромашка"балалар  бакчалары;
II урын - "Умырзая","Алтынчәч", "Каенкай"   балалар  бакчалары;
III урын- "Кояшкай" балалар бакчасы.
Бакча-мәктәпләр арасында:
 I урын- "Тылсым" бакча-мәктәбе.

Нәкъ 29 ел элек совет гаскәрләренең соңгы колоннасы Әфганстаннан чыгарылган. 15 февраль Термез шәһәре. Соңгы совет солдаты чик буе елгасы  Амударья аша салынган күпердән совет җиренә аяк баса. 10 ел буе барган сугышка нокта куела. Хәзерге көндә  дә сугыш яралары,Әфганстан җирендә вакытсыз өзелгән гомерләр, әниләр йөрәгенең туктаусыз сызлануы –бу дәһшәтле көннәрне искә төшерә.Барлык кешеләрне дә бер теләк берләштерә- мондый афәтләр башка кабатланмасын! Җир йөзендә тынычлык булсын!

Бүген Җиңү паркында әфганчыларны искә алу тантанасы узды.

Балалар иҗат үзәгендә тематик рәсем күргәзмәсе оештырылды.

          "Йолдызлык-2018" бәйгесенең сайлап алу туры район мәдәният йортында  ике көн дәвамында барды. 12 февраль көнне районның барлык балалар бакчаларыннан икенче турга узган нәни йолдызчыклар сәхнә тоттылар.Көннең икенче яртысында сәхнәне мәктәп укучылары яулады.13 февраль көнендә дә жюри киеренке хезмәттә иде- сайлап алу туры дәвам итте.Барлык бәйгедә катнашучыларга зур уңышлар телибез!

        Балалар иҗат үзәгендә һөнәри бәйгегә баручы педагоглар, аларның җитәкчеләре киңәшмәгә җыйналдылар. "Ел укытучысы" республика бәйгесе кысаларында үтүче "Йөрәгемне балаларга бирәм" һөнәри бәйгенең зона турына баручы өстәмә белем бирү педагогы, психолог, педагог - оештыручы,  класс җитәкчесе - барсы да район туры җиңүчеләре. Зона ярышлары Алабуга шәһәрендә 28 февраль көнне үтәчәк.Уңышлар юлдаш булсын, Сезгә!

“Йолдызлык -2018”бәйгесенең зона сайлап алу турлары тәмамланды. Барлык белем бирү оешмалары да бу бәйгегә зур әзерлек белән катнаштылар. Балалар бакчаларыннан 586 бала, мәктәпләрдән 1300 артык укучы сәнгать өлкәсендә көч сынаштылар. Һәр бала үзенең кайсы өлкәдә талантлы булуын күрсәтте. Сәнгать күгендә яңа йолдызлар кабыначак. Сайлап алу турлары алдагы атнада көтелә.

9 февраль көнне Балалар иҗат үзәгендә “Иң шәп әйдәман” республика  бәйгесенең район туры үтте. Барлыгы 20 конкурсант көч сынашты. Әйдәманнарга көч биреп торучылар да бик актив булдылар. Бәйгенең нәтиҗәләре:

 гран-при иясе – Газизова Сөмбел (Актанышның гуманитар гимназия интернат-мәктәбеннән);

1 урын –Хайретдинова Гөльяз  (1 нче Актаныш урта мәктәбе);

2 урын –Хайриева Эльза ( Байсар төп гомуми белем бирү мәктәб)е;

3 урын – Галлямова Зәлия (Аккүз төп гомуми белем бирү мәктәбе);

7 әйдәман номинацияләрдә җиңүчеләр буларак бүләкләнделәр.Педагог- оештыручылар да  балалар белән күпкырлы эш оештырулары өчен Рәхмәт хатларына ия булдылар..

     2 февраль көнне Пучы балалар ижат үзәгендә "Оста куллар" берләшмәсенә йөрүче балалар белән "Бәхетле балачак" исеме астында кичә оштырылды.  Кичә  кызыклы уеннар, ярышлар белән үрелеп барды. Татлы ризыклар  белән тулы чәй табыны бәйрәм кәефен тагын да үстереп җибәрде.