6 нчы январь көнне Бүләк чаңгы базасында мәгариф учреждениеләре арасында чаңгы эстафетасы узды.Әлеге ярышта педагогларыбыз Хуҗин И.Т. һәм Солтанова А.И. Актаныш балалар иҗат үзәге командасы данын якладылар. Чаңгычыларыбыз II урынны яуладылар.Әфәрин, Сезгә! Киләчәктә дә уңышлар улдаш булсын!

Яңа елны һәркем көтеп ала.Балалар өчен тәмле дә,ямьле дә бәйрәм ул Яңа ел! Инглиз телен өйрәнүче кечкенә балалар Санта Клаус белән бик күңелле чыршы бәйрәме үткәрделәр.Муллахметова И.М. бәйрәмнәрне мавыктыргыч да,истә калырлык та итеп оештыра белә.Бәйрәм белән,барыгызны да!Яңа ел яңа шатлыклар,яңа уңышлар алып килсен!

Яңа елны балаларча әкияти итеп каршылау - районыбызда традициягә әйләнеп бара.Балалар иҗат үзәге коллективы да маскалар парадында катнашып,бәйрәмгә ямь өстәде.Якынлашып килүче бәйрәм белән!

Меңнәр авылында чыршы бәйрәме аеруча истәлекле булды.Актаныш Балалар иҗат үзәге коллективы "Серле сәгать" әкияти тамаша белән авыл балаларына онытылмаслык бәйрәм бүләк иттеләр.Ел "хуҗасы" - Үгез дә,Кыш бабай,иске ел "хуҗасы" - Тычкан дә,Песи дә тамашага ямь өстәделәр.Яңа ел яңа уңышлар,шатлыклы көннәр,саулык - сәламәтлек алып килсен!

Хөрмәтле хезмәттәшләр!Барыгызны да якынлашып килүче Яңа ел белән тәбрик итәбез! барыгызга да сәламәтлек,җан тынычлыгы,гаилә иминлеге,шатлык - куанычлар телибез.Яңа елда икеләтә бәхет,икеләтә шатлык - бары шул!

Балачак бәйрәмнәр,күңелле уеннар,ярышлар,күчтәнәч- бүләкләр белән дә истә кала.Әлбәттә,бәйрәмнәре - Яңа елы бәйрәмнәре белән. Кечкенә тегүчеләр дә бизәлгән чыршыга битараф була алмадылар.Үзләре әзерләгән маска-костюмнары белән чыршы янына җыелдылар.Әкияттән килгән кунаклар белән бергәләп күңел ачтылар.Чыршы бәйрәме- күңелле дә,тәмле дә бәйрәм ул!

"Уйный-уйный өйрәнәбез" мәктәп алды хәзерлеге түгәрәгенә йөрүче балалар "Күңелле чыршы" бәйрәмен бик теләп үткәрделәр.Ел буена сагынып,көтеп алынган әлеге бәйрәмгә Кыш бабай,киләчәк ел символы - Үгез дә кунак булып килделәр.Алар буш кул белән килмәгәннәр-төрле  күчтәнәчләр,бүләкләр,күңелле уеннар алып килгәннәр. Балаларның матур җырларын,шигырьләрен, мавыктыргыч уеннарын бик теләп карадылар,үзләре дә катнаштылар. Бәйрәм Яңа елга матур теләкләр теләү,Кыш бабайның күчтәнәчләрен авыз итү белән тәмамланды.

Хуш киләсең,Яңа ел!

25 нче декабрь көнне район үзәгендә күңелле бәйрәм - Үзәк чыршыны ачу тантанасы үтте.Балалар иҗат үзәге коллективы әлеге чарада төп рольләрнең берсен үтәде- татар халык әкиятләре геройлары булып киенеп,тамашада катнашты.Яңа ел җиткәндә, күңелле әкият геройлары белән җитәкләшеп, искиткеч матур чыршы янында түгәрәктә җырлап әйләнү һәркемне дә балачагына алып кайта. Балалар өчендә,өлкәннәр өчен дә искиткеч күңелле бәйрәм булды! 

Кыш бабай бүләкләрен кайчан һәм кайда әзерли икән?Бу сорауны балалар еш бирә торгандыр.Бераз үсә төшкәч,Балалар иҗат үзәге дигән искиткеч бер бинада, Кыш бабайның остаханәсе, бәйрәм алдыннан үз ишекләрен ача. "Оригами" түгәрәгендә кәгазьдән төрлечә бөкләү ысулы белән искиткеч эшләнмәләр ясарга өйрәнәләр.Кыш бабай, Яңа ел килер алдыннан, монда бик күп заказлар җибәрә.

Район үзәге көннән-көн әкияти патшалыкка әйләнә бара.Яңа елны каршыларга,төрле тамашалар үткәрергә,сихри тирәлек булдырырга һәркем кулыннан килгән кадәр үз көчен кертә.Оешмалар арасында бизәлешкә,сыннарга бәйге игълан ителде.Балалар иҗат үзәге хезмәткәрләре дә тырышып иҗади эшкә алындылар.Татар халык иҗатыннан "Зөһрә кыз" әкиятенә сын эшләделәр.Күмәк хезмәт матур һәм зәвыклы килеп чыкты.