22 ноябрь көнне район үзәгендә "Сәламәтлек театры" республика фестиваленең  район этабының йомгаклау туры  үткәрелде.  Фестивальгә мәктәбебезнең "Серле дөнья" курчак театры коллективы "Универсиадага реклама" әкиятен тәкъдим итте һәм район мәктәпләре арасында беренче урынны алды.  Конкурска укучыларны әзерләгән театр җитәкчесе Д.М.Анваровага , курчакларны ясаучы Н.Ф.Фәтхиевага, курчакларга җан өрүче- театрга йөрүче балаларга  рәхмәтебезне белдерәбез һәм  зур уңышлар теләп калабыз.

15 ноябрь көнне мәктәптә  беренче чирек нәтиҗәләре буенча ата-аналар җыелышы уздырылды. Сыйныф җитәкчеләре ата-аналар алдында  тәрбияви темага чыгыш ясадылар, бердәм дәүләт имтиханнарына әзерлек  буенча тәкъдимнәр җиткерделәр, электрон көндәлек белән эшләү тәртибен аңлаттылар, беренче чирек нәтиҗәләре белән таныштырдылар.

27-28 октябрь көннәрендә мәктәптә Сөмбелә бәйрәме үткәрелде. Башлангыч сыйныфларда бәйрәмгә Сөмбелә чакырылган иде. Бәйрәмне башлангыч сыйныф укытучысы Зарипова Ф.Н. алып барды.

5-9 класслар арасында бәйрәм ярыш формасында үтте. 7 нче класс җитәкчесе Фәтхиева Н.Ф. укучылар белән әзерләгән тамашаны караганнан соң, класслао үзара көч сынашты. Нәтиҗәләр түбәндәгечә булды:

1 урын-8 класс ( кл.җит. Гильфанов Ф.Н.)

2 урын- 5,6 класслар ( кл.җит. Фәйзрахманова Р.Н., Султанова Ф.А.)

3 урын- 7 класс ( кл.җит. Фәтхиева Н.Ф.)

Бакча җитәкчесе Гильфанов Ф.Н. җәй көне практика эшен бик яхшы үтәгән укучыларны бүләкләде.

25 октябрь  көнне "Яшьлек" милли -мәдәни үзәгендә "Ел сыйныф җитәкчесе-2011"  бәйгесенең йомгаклау туры узды.  Бу бәйгедә башлангыч сыйныф укытучысы Гильфанова Гөльяр Ринат кызы катнашып мактаулы 3 урынны алды. Хезмәттәшебезне зур җиңүе белән котлыйбыз , аның  яңадан яңа үрләр яулавын теләп калабыз.

5 октябрь-Укытучылар көне. Шул уңайдан мәктәбебездә Укытучылар һәм өлкәннәр көне билгеләп үтелде. Бәйрәмгә озак еллар мәктәптә эшләп лаеклы ялга чыккан ветеран укытучылар чакырылды. Укучылар бәйрәм белән котлап концерт куйдылар. Өлкәннәр яшьләргә үзләренең теләкләрен җиткерделәр.

Республикабызның беренче президенты М.Ш.Шәймиев кубогына уздырылган милли көрәш бәйгесендә 9 класс укучысы Муллануров Илназ үз авырлыгында 3 урын алды. Илназны  зур җиңүе белән чын күңелдән котлыйбыз, киләчәктә тагын да югарырак үрләргә ирешүен телибез.

Районыбызда М.Гыйлаев истәлегенә багышланган милли көрәш бәйгесендә Яңа Әлем мәктәбе командасы 3 урын яулады. Көрәшчеләребезне җиңүләре белән котлыйбыз.

9 класс укучылары дәресләрдән соң график буенча имтиханнарга әзерләнәләр.