24 ноябрь көнне һәр әзерләнгән класс та чыгыш ясады. Бәйгебез барышында фольклор чалымнары булырга тиеш дигән таләпне һәр класс та үтәргә тырышкан. Бигрәк тә 3 класс укучыларының 5-6 укучы баянда уйнавы югары бәяләнде, күмәк биюдә дә әлеге класс алдырды.

2 класстан Әгъләмова, 1 класстан Әхмадуллина, Закирҗанова җыр буенча Мактау кәгазенә ия булдылар. 4 класстан Нуриманованың нәфис сүз чыгышы иң яхшысы дип табылды.

1-4 класслар арсында урыннар түбәндәгечә билгеләнде:

1 урын – 3 класс  (класс җитәкчесе -Зарипова Ф.Н.)       

2 урын – 1 класс (Гилфанова Г.Р.)

3 урын – 2,4 класслар (Сәрвәрова Ф.М., Нургалиева Л.З.)

29 ноябрь көнне 5-9 класслар концерт номерларын тәкъдим иттеләр. 6-7 класс “Аулак өй”гә чакырды, 5 класс укучылары “Яңа йолдызлар кабызды”, 8 класс укучылары да үз һөнәрләрен күрсәттеләр. Тик 9 класс укучылары бәйгегә әзерләнмәгән иде.

5-8 класс укучылары арасында урыннар түбәндәгечә билгеләнде:

1 урын – 5 класс (класс җитәкчесе – Фәйзрахманова Р.Н.)

2 урын – 7, 6 класс (Фәтхиева Н.Ф., Султанова М.А.)

3 урын – 8 класс (Гыйльфанов Ф.Н.)