20 нче сентябрь көнне 5 - 11 класс укучылары арасында "Сәламәтлек көне" үткәрдек. Бу көнне без табигать кочагында булдык. Башта үзара җитезлегебезне тикшереп ярышып алдык, учак ягып һәр класс ашарга пешереп ашады һәм имән чикләвеге җыярга да өлгердек. Ялыбыз бик күңелле узды.  

15 сентября состоялся отборочный тур на конкурс-фестиваль им. Альфии Авзаловой. С нашей школы участвовали КамаловаГ. Р. и Бикмухаметова Г.Н. (Руководитель Загитова И. И.)

13 нче сентябрь көнне 1996 нчы елгы һәм аннан да яшьрәк егетләр арасында "Милли көрәш" бәйгесе үткәрелде. Әлеге бәйгедә безнең мәктәптән дә егетләр командасы катнашты. 30 кг авырлыкка кадәр Бакаян Титал (6 класс) - 1 урынга, 70 кг авырлыкка кадәр Аглямов Ильназ (8 класс) - 2 урыннарны яуладылар. (Укытучылары: Туктаров Б. Р.) Афәрин, егетләр!

11 нче сентябрь көнне Киров авылында яңа гына сафка баскан хоккей мәйданчыгы файдалануга тапшырылды. Әлеге тантанада Актаныш муниципаль район башлыгы урынбасары Бариев И. Ш. катнашты. Ул авыл халкын бәйрәм белән котлады. Кызыл тасманы кискәннән соң беренче туп тибү хокукы да аңа бирелде. 

6, 8 сентябрь көннәрендә безнең мәктәптә кара миләш җыю өмәсе булды. Барлыгы 1824 кг кара миләш җыелды. Барлык укучылар да тырышып эшләделәр.

Мәктәбебездә уку белән бергә бакча эшләре дә үрелеп бара. Мәктәп бакчасында бәрәңге алынды һәм укучыларны тукландыру өчен подвалга саклауга салынды.

Бүген, Киров урта мәктәбендә "Белем бәйрәме" гөрләп узды. Чарага "Актаныш" агрофирмасы Киров бүлеге җитәкчесе Гаянов И. Ф, авыл җирлеге башлыгы Гафуров А. Ә. чакырылган иде. Алар беренче сыйныф укучыларына истәлекле бүләкләр тапшырып, укучыларны һәм укытучылар коллективын бәйрәм белән котладылар. Бәйрәм бик күңелле булды.

30 нчы август көнне Киров мәктәбенә - 80, яңа мәктәп оешуга - 30 елга багышланган кичә үткәрелде. Бәйрәмгә бик күп кунаклар чакырылды. 

Бүген барыбыз өчен дә иң тантаналы һәм истәлекле көннәрнең берсе. Мәктәбебезнең чыгарылыш сыйныф укучылары өчен соңгы кыңгырау яңгырыячак. Соңгы кыңгырау ул мәктәпне тәмамлап, зур тормышка юл алган егетләр һәм кызларны алдагы көннәрнең гаҗәеп матур да, тынгысыз да, соклангыч һәм авыр да икәнен кисәтеп килә сыман. Әлеге кыңгырау тавышы  аларның мәктәп белән саубуллашу авазы да.

 3 укучысы өчен бүген соңгы кыңгырау яңгырый. Бу балалар инде зур үстеләр, ныгыдылар. Алар мәктәпне тәмамлап чыгып китү алдында тора. Аларны ни көтә? Хәзергә аларны бары тик өметле билгесезлек көтә. Ләкин аларның киләчәк тормышлары бәхетле, шатлыклы һәм уңышлы гына булсын иде. 

Хуш, мәктәбем, дуслар, остазларым,

Балачагым, яшьлек, мәхәббәт.

Барлык хисләр монда ихлас һәм чын,

Бөтенесе өчен мең рәхмәт!

Кире кайтмас өчен үтте инде,

Балачагым, яшьлек елларым.

Беренчедән унберенчегә кадәр,

Үткәрдек күк бер ел нибары.

60 нчы туристик слетта Киров мәктәбе командасы катнашып зур уңышларга иреште. ( ККМ буенча - 2 урын,  команда - 2 урын) Грамота һәм истәлекле буләкләр белән бүләкләнделәр. Аларны уңышлары белән котлыйбыз! Молодцы!