3 октябрь көнне Киров авыл клубында "Өлкәннәр ункөнлеге" уңаеннан концерт оештырылды. Бу концертта "Тамчы" балалар бакчасыннан нәниләребез, мәктәп укучылары,  клуб эшчеләре катнашты. Авыл җирлеге башлыгы Гафуров А. А. авылыбыз өлкәннәрен бәйрәм белән котлады һәм изге теләкләр теләде.  Үз чиратында  барлык өлкәннәр исеменнән Шайхелмарданова Роза апа концертны оештыручыларга һәм катнашучыларга рәхмәтен җиткерде, аларга эшләрендә, укуларында уңышлар теләде.

3 октябрь көнне укытучылар бәйрәме һәм "өлкәннәр ункөнлеге" уңаеннан бүгенге көндә лаеклы ялда булган өлкән укытучыларыбызга, тех хезмәткәрләребезгә чәчәк бәйләме белән бәйрәм пакетлары өләштек.  

Иң зур дини бәйрәмнәребезнең берсе – Корбан гаете уңаеннан барыгызны да бәйрәм белән чын күңелдән тәбрик итәбез.

Олуг бәйрәм бүген бар җиһанда -
Корбан гаете котлы булсын!
Изге эшләр кылган һәр кешегә
Бәхет-сәгадәт насыйп булсын!

Укытучым!

Кирәк чакта җитез дә син, тапкыр да син

Кирәк чакта сабыр да син, батыр да син.

Бик җаваплы, авыр синең хезмәтең дә,

Тиешенчә күрсәң иде хөрмәтен дә.

Хөрмәтле укытучылар! Көчегез төкәнмәвен, эшләү дәрте сүрелмәвен, укучыларыгыз белән үзара аңлашу һәм укытучы һөнәренә тугрылык телибез. Һәрвакытта һәм һәркайда уңышлар юлдаш булсын сезгә.

1 октябрь - өлкәннәр көне уңаеннан үткәрелгән ярминкә белән көзге ярминкәгә старт бирелде. Ярминкә һәр сатып алучының да ихтыяҗын канәгатьләндерерлек бай ассортимент белән узды. 

Мәктәпләр дә үзләре җитештергән продукция белән сатуга чыктылар, яшелчә, җиләк - җимеш, кайнатмалар, камыр ризыклары мулдан иде. 

Район башлыгы Фаил Камаев җитәкчелегендәге делегация һәр сату ноктасында булып, сатучылар белән дә, сатып алучылар белән дә аралашты. Әлеге ярминкәдә безнең мәктәптән дә катнаштылар. 

30 сентябрь көнне "Өлкәннәр ункөнлеге" уңаеннан 1- 11 класслар арасында мәктәптә ярминкә үткәрелде.  Һәр класс бик актив катнашты. Ярминкәдән җыелган акчалар өлкән укытучыларга пакет тутыру өчен тотылачак. 

28 нче сентябрь көнне Актанышта йөгерү ярышы үткәрелде. Әлеге ярышта безнең мәктәп укытучылары һәм укучылары да актив катнашты.

Бүген, 3 дәрестән соң мәктәп бакчасында калган кәбестәләрне кисеп, бакчаны җыештырып куйдык. 

25 нче сентябрь көнне башлангыч сыйныф укучылары көзге табигатькә экскурсия ясадык. Без көзге табигатьне күзәттек, төрле хәрәкәтле уеннар уйнадык, яфраклар җыйдык, табышмаклар әйтештек. Соңыннан алып килгән ризыклар белән тәмләп чәй эчтек. Бу көнебез бик күңелле һәм файдалы үтте.

Укучыларның Россиякүләм предмет олимпиадаларының мәктәп туры башланып китте. 22 сентябрь көнне мәктәптә биология олимпиадасы үтте. 6 - 11 класс укучылары үзләренең белемнәрен сынап карады. Бикмухаметова Л. (6 кл), Гиздуллина К. (7 кл), Рашитов И. (8 кл), Бикмухаметова Г. (9 кл), Бикемова Г. (10кл), Валиев Р.(11 кл) 1 урыннарны яулап, районда үтәчәк олимпиадага әзерләнәчәкләр.