19 апрель- мәктәбебездә 5 нче дәрес - Хәтер дәресе итеп игълан ителде. "Без срока давности" исемле видеофильм күрсәтелде. Хат макеты белән танышу узды. Әйе, беркем дә, бернәрсә дә онытылмый!

13 апрель көнне мәктәбебездә класс сәгатьләре Космонавтика көненә багышланды. Презентация карадылар, флешмобка кушылдылар.

Бүген, 12 апрель көнне, кеше беренче тапкыр җиһанга аяк басканга 60 ел тулды. Бу датаны Юрий Гагарин Җир шары орбитасы тирәли тәүге очыш ясаганнан соң нәкъ бер ел узгач, 1962 елдан СССр да бәйрәм сыйфатында билгели башлыйлар. "Тамчы" балалар бакчасы да, ата-аналар да, бу көнне читтә калмады. Ясле төркеме әти-әниләре үз куллары белән эшләнмәләр ясадылар, төркемнәрдә бүгенге көн темасына кагылышлы шөгылҗләр үткәрелде. "Галәм киңлекләре" исеме астындагы презентация балаларда зур кызыксыну уятты.

30 март көнне мәктәбебездә Казан аграр институтыннан инфраструктура буенча үсеш проректоры Хамидуллин Наил Нурулла улы, Татарстан радиосы алып баручысы Рәкыйп Гаффар бездә кунакта булдылар. Мәктәбебез белән танышып чыкканнан соң, укучыларыбыз  Мирхайдарова Айсылу, Хафизов Нәфкатьләр үз проектларын тәкъдим иттеләр.  Очрашу бик җылы төсмердә узды. Ахырда мәктәбебезгә бер Аграр - класс ачу турында да сүз кузгатылды.

30 март көнне районыбызда Уйлап табучылар фестивале булып узды. "Мин-мастер", "Кулибиннар", "Мин булачак эшмәкәр" бәйгеләренә нәтиҗәләр ясалып катнашучы укучыларны, әзерләгән укытучыларны тәбрикләделәр. Мәктәбебездән Сираев Гадел-2 урын(Шәйхелмәрдәнов Ә.В), Бутаков Максим -3 урын(Шәйхелмәрдәнов Ә.В), Сабирова Диләрә-номинациядә җиңүче (Хафизова Р.Ф) исеменә ия булдылар. Котлыйбыз! 

Бу атнада районыбызда  рус әдәбиятыннан "Живая классика" бәйгесе узды.Мәктәбебездән укучыларыбыз- Бутакова Индира, Бутаков Максим, Мирхайдарова Айсылулар уңышлы чыгыш ясадылар.