28 февраль көнне җирлегебездә Татарстан Республикасының атказанган икътисадчысы Нургалиев Миргазиян Нургали улы истәлегегә теннис ярышы узды. Мәктәбебез укучылары да бик теләп катнаштылар. 

27 февраль көнне мәктәбебездә Муса Җәлилнең 115 еллыгына кичә үткәрелде. Саубанова Алия Алмаз кызы оештырган бу кичә укучылар күңелендә патриот шагыйрьнең үлемсезлеген тагын бер кат ассызыклады. 

21 февраль- Халыкара Туган тел көне. Шул уңайдан мәктәпләрдә, балалар бакчаларында, китапханәләрдә, радио-телевидениеда узучы чаралар шул темага уза.

19 февраль көнне мәктәбебездә "Ягез, әле егетләр!" турниры узды. 7,8,10 класслардан бер команда, 9 класслардан бер команда катнашты. Противогаз кию, бәрәңге әрчү, галстук бәйләү, турникта күтәрелү, гер күтәрү, ату, автомат сүтеп җыю, кыршау аша чыгу кебек бәйгеләрдә катнаштылар. Ярыш ахырында 9 класс егетләре җиңүче исеменә лаек булдылар.

18 февраль көнне мәктәбеббездә "Смотр строя и песни" бәйгесе үтте. 5-8 класс укучылары сафта йөрү кагыйдәләрен күрсәттеләр. Җыр җырлап, команда белән үттеләр. 

18 февраль көнне мәктәбеббездә югары класс укучылары катнашында Туган тел көне уңаеннан Парламент сәгате узды. Телләр көне тарихы, халыклар дуслыгы, тел-милләтебез өчен җан атучы Депутатларыбыз да искә алынды.

18 февраль көнне мәктәбебездә 7 класс укучылары белән Туган тел көне уңаеннан викторина уздырылды.

18 февраль көнне Татар Суксу мәктәбендә районның "Ел педагог-оештыручысы" бәйгесе узды. Мәктәбебездән Салахова Ләйсән Хәмбәл кызы уңышлы чыгыш ясады.

16 март көнне мәктәбебездә Сталинград сугышында немец-фашист гаскәрләрен җиңүнең 78 еллыгына багышлап, Төз мәргән конкурсы уздырылды.