13 декабрь көнне район күләмендә Татарстан тарихыннан олимпиада булып узды.Безнең укучылар бу олимпиада да сынатмадылар.Мирзагитова Юлия призер булды.Укытучысы Мансуров Альберт. Аларны чын кунелдән котлыйбыз.

Технология фәненнән район олимпиадасында Ганиев Нурислам призер булды. Укытучысы Хуҗин  Айзат Флюсович.Котлыйбыз!!!

9 декабрь көнне районыбызда коррупциягә каршы көрәш юнәлешендә үткәрелгән республика конкурсының муниципаль этабында җиңүчеләр һәм призлы урыннар алган укучылар һәм аларның җитәкчеләрен бүләкләү оештырылды. Мәктәбебездән Хабибуллина Инзилә 5-9 класс укучылары арасында плакат бәйгесендә 2 урынга ия булды.

9 декабрь көнне район Балалар иҗат үзәгендә "Татар кызы", "Татар егете" бәйгеләре булып узды. Мәктәбебездән дүрт укучы катнашты- Камалова Нурия-1кл, Галямов Камил- 4кл, Миргалимова Таңсылу-7 кл, Хуҗина Азилә-10 класстан. Укучыларыбыз уңышлы чыгыш ясадылар.

9 декабрь көнне мәктәпнең туклану өчен җаваплы ата-анасы- Гиздуллина Альмира мәктәптәге туклану белән кызыксынды. Укучыларга биреләчәк кайнар ризык, килгән продукция, технологик карталарын карады. 

Математика фәненнән район олимпиадасында укучыбыз-Имамов Нияз җиңүче булды. Укытучысы- Имамова Р.Х. Котлыйбыз!

Рус мәктәпләре өчен дип исемләнгән район олимпиадасында рус теленнән  укучыбыз- Имамов Нияз призер булды. Укытучысы- Мирзагитова Р.Т. Уңышларыгыз белән!

3 декабрь көнне Казан Аграр Университеты галимнәре  5-9 класс укучылары белән беренче агродәрес оештырды. Бик тә файдалы, эшлекле дәрес булды. Хәерле сәгатьтә булсын!

3 декабрь көнне мәктәптә Мәрхәмәтлелек ярминкәсе оештырылды. Барысы 7722 сум акча җыелды. Бу сумма хезмәттәшебез Ландыш Багауованың  банк картасына салына.

6 декабрь көнне Актаныш мәдәният йортында мәдәният хезмәткәрләре Ф.Әмирханның "Тигезсезләр" әсәре сәхнәләштерделәр.  Укучыларыбыз бу әсәрне бик җылы кабул иттеләр.