17 сентябрь көнне мәктәптә "Милләтләр кроссы-2022" узды. Мәктәпнең һәр укучысы бик актив катнашты. Җиңүче укучыларга грамоталар тапшырылды.

16 сентябрь көнне укучыларыбыз көзге урманга экскурсиягә бардылар. Алар анда традиция нигезендә Җыелма отрядлар көнен дә билгеләп уздылар. Бу көн һәр укучы күңелендә бик матур хатирә булып уелып калды.

13 сентябрь көнне Укучыларның гомуми җыелышы узды.  Мәктәп укучылар кагыйдәләре кабул ителде. Яңа уку елына Яңа состав төзелде. Мәктәпнең президенты дип- 8 класс укучысы-Миргалимова Таңсылу бер тавыштан сайланды.

Актаныш спорт мәктәбе каршында оештырылган Көрәш түгәрәгенә мәктәбебезнең 15 укучысы үз теләкләре белән язылды. Җитәкчеләре Туктаров Б.Р. үзенең дәресләрен башлап җибәрде.

5-10.09 атнасында укучыларыбыз мәктәп бакчасыннан кара миләш җыеп тапшырдылар. Иң күп җыеп тапшырган укучыларыбыз- Ганиев Н, Галимарданова З., Хуҗина А., Хуҗин А. булдылар. Алар алдагы линейкада Флаг күтәрүгә ия булдылар.

7 сентябрь көнне мәктәпнең туклану буенча җаваплы ата-аналарыннан -Минкина Резеда  укучыларның туклануы белән кызыксынды. Килгән продукцияләр белән танышты. 

Һәр атнаның дүшәмбе укучылар  линейкасында  Дәүләт флаглары кертелеп, шимбә көнне флаг кабат төшерелә. Бүген мәктәбебездә Дәүләт флаглары күтәрелде.

Быелгы уку елында - "Разговор о важном"- "Кирәкле сөйләшү " - класс сәгатьләре шушы программа нигезендә оештырыла. Бүген беренче дәрестә беренче класс сәгате үтте.

3 сентябрь көнне  мәктәптә 9-11 класс укучылары, укытучылар, авылдашлар катнашында "Җиңү диктанты" язылды. Ул үткән тарихыбызга багышланган 25 сораудан торган язма эш иде.

 Быелгы уку елы 102 укучы белән башлана. 1 класска -10 укучы кабул ителде. Белем көне Россиякүләм тәкъдим ителгән Дәүләт флагларын күтәрү белән башланып китте. Хәерле уку елы белән!