25 ноябрь көнне мәктәптә "Әниемнең җылы кочагы" исемле бәйрәм концерты уткәрелде. Бәйрәмгә Әниләребез чакырылганнар иделәр. Бәйрәм концерты бик күңелле, җылы эчтәлекле, матур булды.

24 ноябрь көнне Ата-аналар укуы узды. Хаҗия, мөгаллимәбез Зөһрә апа Закированың ата-аналарга сөйләгән вәгазе бик үтемле, киәкле, тәрбияви вәгазь булды.

24 ноябрь көнне психолог- Хаҗиева Гөлчәчәк Нурмөхәммәт кызы белән ата-аналар очрашты. Ата-аналар белән тренинг һәм 7-8 класс укучылары белән Дуслык темасына мастер уздырды.

23 ноябрь көнне Әтиләр һәм укучылар арасында  волейбол ярышы узды. Ике командадан торган Әтиләр командасының җитәкчесе- Сибгатуллин И.М., икенчесенеке- Рашитов М.Н.булдылар. Уен бик көчле, дорес бәяләнеп барды. Җиңүчеләр -Әтиләр командалары һәм аз гына калышып укучы егетләр командасы булды.

22 ноябрь көнне Ата-аналар өчен Ачык ишекләр көне үткәрелде. Ата-аналар үзләре теләгән фән укытучысының дәресендә булып, балаларының белем алулары белән кызыксындылар.

22 ноябрь көнне Әтиләр Һәм Ата-аналар советы утырышы узды. Еллык эш планы кабул ителде.Әтиләр советы рәисе итеп - Ганиев Рөстәм Әбсогет улы, Ата-аналар советы рәисенә -Рәшитова Лилия Радик кызы сайланды.

21 ноябрь көнне мәктәбебездә Казан Аграр Университет галимнәре бездә кунакта булдылар. Алар тарафыннан укучылар белән ачык практик дәресләр курсәтелде. Бу көн укучылар күңелендә бик озак сакланыр әле.  Бик эшлекле, тыгыз һәм дә  тормышта файдалы дәресләр узды.

Узган атнада шимбә көнне районыбызда  И.Анваров истәлегенә 5 район катнашында Республика көрәш ярышы узды. Безнең мәктәптән дә укучылар катнашты. 4 класс укучысы Гардиев Ислам уз авырлыгында 2 урынны яулады.

16 ноябрь көнне 7,9 класс укучылары класс җитәкчеләре белән Актанышка Боз сараена экскурсиягә бардылар. Укучыларның күңелләре булып, рухи көч туплап ял итеп кайттылар.

15 ноябрь көнне 5-11 класс укучылары өчен Әхлак дәресләре узды. Фикуса Рафаэль кызы Ислам дине нигезләре, әхлак кагыйдәләре хакында тәфсилләп аңлатты.