Республикакүләм конкурста укучыларыбыз - Хакимова Г, Ибраһимова И., Шакирова М. А.М.Терентьев исемендәге 28 нче Иделбуе фәнни-экологик конференциясендә чыгыш ясадылар һәм призлы урын алдылар. Укытучылары- Халиулина М.В. Котлыйбыз!

Хәзерге вакытта авылыбыздан 3 егетебез хәрби хезмәттә үз бурычларын үти. Мәктәпнең 5-6 класс укучылары абыйларына сагынычлы сәлам хатлары юлладылар, рәсемнәр ясадылар.

Сирень Хаҗиев исемендәге юнармия отряды укучылары хәзерге вакытта Украинада булган авылдашларыбызның гаиләләрендә булды. Хәлләрен белеп, улларының исән-сау кайтуларын теләде.

17 февраль көнне авылыбыз мәдәният йортында Әфганстанда хезмәт иткән авылдашларыбыз, райондашларыбыз белән җылы очрашу булды. 

16 февраль көнне Актаныш технология техникумында конкурста катнашучы укучылар өчен уку оештырылды. Мәктәбебездән хезмәт укытучысы Хуҗин А.Ф. җитәкчелегендә 6 укучы  катнашты.

15 февраль көнне район мәдәният йортында Әфганчылар көне уңаеннан зур чара оештырылды. Мәктәбебез укучылары да бу чарада катнашты.

13-14 февраль көннәрендә район мәдәният йортында укучыларның "Йолдызлык-2023"бәйгесенең сайлап алу туры узды. Мәктәптән барысы 63 укучы катнашты.

7 февраль көнне классларда Парламент сәгате утте. Җәмгыять белеме укытучысы Галиева Рәмилә Әмир кызы "Без - Рәсәй гражданнары" темасына  дәрес үткәрде. Бу парламент дәресе милли мәдәният һәм гореф-гадәтләр елына багышланды.

27 январь - Ленинград блокадасын тулысынча туктату көне. Шул уңайдан авыл мәдәният йортында укучылар катнашында "Блокада карлыгачы" исемле чара узды. Китапханә мөдире Энҗе Фасил кызы укучыларга Ленинград блокадасы хакында тагын бер кат искә төшерде. Бу чара укучыларга олы тәрбия чарасы булды.

17 январь көнне башлангыч классларның Әхлак дәресе узды. Клышбаева Фикуса Рафаэль кызы бүгенге дәресен- Ак көнләшү, Кара көнләшү - аның тормыштагы урыны турында тәфсилләп сөйләде.