Әдәбиятыбыз тарихында бай мирас калдырган Г. Тукайның татар балалар әдәбияты өлкәсендәге эшчәнлеге дә гаҗәеп дәрәҗәдә күпкырлы, әһәмиятле. Ул- әлеге тарихта зур хезмәтләр калдырган шәхес: талантлы балалар язучысы, тәрҗемәче, мөгаллим, мәктәп дәреслек - хрестоматия авторы, фольклорчы, тәнкыйтьче, сатира һәм юмор остасы, журналист.

Габдулла Тукай - балалар әдәбиятының гаять дәрәҗәдә ярлы булуын күреп, аңа "хәл дәрәҗәсендә" ярдәм итү, баету, хезмәтләре һәм әдәби әсәрләре аша дөрес тәрбия бирү омтылышы белән әлеге өлкәгә килгән шәхес. Балалар әдәбиятында ул, әлбәттә, иң элек шагыйрь буларак кадерле. Аның балалар өчен язган шигырьләре фикергә, образларга һәм хисләргә бай, кичерешләргә тирән. Шагыйрьнең зур күпчелек иҗаты халык поэзиясе белән сугарылган.

           26 апрель көнне, Тукай туган кон. Шул исәптән Актаныш районы мәдәният йортында шигырь бәйрәме уздырылды. Мәктәпкә әзерлек төркеме балалары зур әзерлек белән шул кичәдә катнашры. Габдулла Тукай үзенең әсәрләрендә балаларны эш сөяргә, зурларны хөрмәт итәргә, татар телебезне яратырга өндәгән. Без дә  татар булуыбыз белән, Тукай кебек бөек шагыйрь иҗатын белүебез белән горурланабыз.

   Һәр апрель аен - Тукай аен олы хөрмәт белән көтеп алабыз. Синең гомерең нәкъ умырзая чәчәге кебек кыска булды. Әмма иҗат иткән әсәрләрең  - мәңгелек! Синең алдыңда баш иябез, бөек Тукай!

"Тукай - безнең күңелләрдә" дигән тема астында балалар белән кичә оештырдык. Кичәнең максаты булып Г.Тукайның биографиясен искә төшерү, шагыйрь иҗатына кызыксыну уяту, аның әсәрләренә мәхәббәт тәрбияләү. Кичәдә Тукайның биографиясе белән таныштык,  шигырьләренә, әкиятләренә мультфильмнар карадык, әсәрләре буенча фикер алыштык. Балаларга кичә бик ошады. Үзләренә Г.Тукай турында күп яңалыклар алдылар. Тукай шигырьләрен өйрәнеп килгән балалар сайлап алу турында катнаштылар.  

Соңгы елларда тормышыбызда, яшәешебездә бара торган үзгәрешләрнең берсе — туган халкыбызның милли мәдәниятенә, рухи дѳньясына игътибар итү. Шуны искә алып, без дә балалар бакчасында халкыбызның матур сәньгате — театр белән балаларны таныштыруны,  шул матурлыкны тудырырга омтылыш уятуны тѳп бурычыбыз итеп куябыз. Театр нәниләрне сихри дѳньяга алып керә, аларның сәләтен ачарга ярдәм итә, иҗади фикерләү сәләтен , сѳйләм телен үстерә, актерлык осталыгына ѳйрәтә, эстетик һэм әхлакый тәрбия бирә. Театраль педагогика ысулларын куллану балаларның хәтерен, игътибарын, күзаллау сәләтен, сѳйләм чисталыгын, үзләренең тавышлары белән идарә итү мѳмкинлекләрен , шулай ук коллективта үз үзләрен тоту, кыюлык эшләү күнекмәләрен үстерергә ярдәм итә.Театрда катнашучы бала үзен иркен тота, аралашу күнекмәләрен үзләштерә, сѳйләм телен үстерә, тел байлыгы, иҗади активлыгы арта.Шул максаттан 5 нче апрель көнне  «Театр яктылыкка, нурга илтә»  балалар театр коллективларының район бэйгесендә  катнашып, тәрбиячебез  Мингазова Гөләндәм Әхмәтсафовна җитәкчелегендә  мәктэпкә әзерлек төркеме балалары   3 нче урынга лаек булдылар! Чын кунелдән котлыйбыз! Киләчәктә дә яңа үрләр яулавыгызны теләп калабыз!

  Хәзерге заман кешесе шулкадәр күп информация белән чолгап  алынган, яңа информацион технологияләр ярдәмесез ул аларны эшкәртә һәм куллана алмый. Безнең яшәешебезгә компьютер елдан ел ныграк үтеп керә, аның белән бергә информацион коммуникатив технологияләр дә. Информацион  коммуникатив технологияләр – ул җәмгыятьнең информацияне җыю, саклау, эшкәртү һәм тарату өчен кулланыла торган алымнар, җайланмалар һәм процесслар җыелмасы.  Тәрбияче тәрбия һәм белем бирү эшчәнлеге практикасында  информацион  коммуникатив технологияләр куллануның ролен яхшы аңларга тиеш. Белем бирүнең уңышлылыгының күп өлеше кеше факторына бәйле: педагог һәм аның профессиональлегенә. Педагогик кадрларның квалификациясе,  аларның хәзерге заман технологияләрен куллануга әзерлеге – белем бирүне заман таләпләренә китерүнең төп нигезе булып тора. Әлеге бурычларны тормышка ашыру максатыннан безнең бакчабызда   “Белем бирү эшчәнлегенең сыйфатын үстерү  һәм ата-аналар белән хезмәттәшлекне ныгыту максатыннан педагогларның информацион  коммуникатив технология буенча компетентлылыкларын үстерү” дигән тема астында педсовет утырышы булып үтте. Район күләмендә уздырылган  "Яшел ут -  2018" конкурсында катнашып Мингазова Г.А.  II урынга лаек булды. Котлыйбыз!!!

Мәктәпкә әзерлек төркеме балалары белән "Без юлларда иминлек ягында" дигән девиз астында " Могҗизалы юллар" дип исемләнгән викторина уздырдык. Шул максаттан Актаныш №2 мәктәбенең 1 нче класс укучыларын кунакка чакырдык. ( кл. җитәкчесе: Миргалимова Чулпан Рөстәм кызы). Викторинада  мәктәп һәм бакча балалары теоретик һәм практик белемнәрен кулланып үзара көч сынаштылар. Ярышларның спорт уеннары белән үрелеп барулары балаларны армаска ярдәм итте."Светофор" һәм" Юл билгеләре"нең  үзара бәйгесе дуслык җиңүе белән тәмамладык. Киләчәктә дә балалар бакчасы һәм мәктәп арасындагы дәвамчанлыкны план нигезендә оештырырга ниятлибез.

Безнең максатыбыз: авылыбызның бакча, парклары турындагы белемнәрен киңәйтү, балаларның әйләнә-тирә турындагы белемнәрен үстерү, сүз байлыгын арттыру. Уйлау-фикерләү сәләтләрен, тапкырлык,зирәклек, игътибарлыкларын үстерү.Туган авылыбызга карата горурлану хисе тәрбияләү, ана карата ярату хисе, сакчыл караш тәрбияләү.

 Паркта Г.Тукайның әкиятләрен, шигырьләрен искә төшердек.

Туган көнең бәйрәм итәр вакыт,

Уйна, әйдә, «Туган тел»генәм.

Ишетсен ул

Үзенең алгы сафта

Безнең белән атлап барышын.

Без уртанчылар һәм зурлар төркеме балалары белән бергәләшеп Ленин паркына экскурсияга чыктык. Урамда яз, кояш язгыча җылы итеп яктырта! Без табигатьтәге үзгәрешләрне күзәттек. Җылы яктан сыерчыклар да кайткан инде, аларның сайрауларын тыңладык. Экскурсия балаларга бик ошады.

Бүген 27 март — Халыкара театр көне! Театр – ул тылсым дөньясы! Театрда хыяллар тормышка аша, күңелләр рухи азык ала, мәңгелек сорауларга җавап табыла…Иң борынгы сәнгать төрләренең берсе булган Театр сәнгате - кабатланмас могъҗиза. Без дә бүген шул могъҗиза эчендә кайныйбыз.Бу көннәрдә безнең балалар бакчасы коллективы бик теләп район буенча оешмалар арасында уздырыла торган бәйгедә катнашырга  эзерләнә!  Сезне 8 апрель конне район мәдәният йортына Зәки Зәйнуллин әсере бенча әзерләнгән "41нең арбалы хатыннары" спектаклен карарага чакырабыз! Рэхим итегез!

Сәнгатьле сөйләм формалаштырганда балага белем бирү шартлары гына түгел, ә аларны эшкәртергә һәм үзләренең карашын билгеләргә дә мөмкинлек бирә.Моның өчен иң әйбәт чара булып театральлештергән шөгыльләр тора.Чөнки уен- мәктәпкәчә яшьтәге балаларда иң әһәмиятлеләрдән санала.Ә театр иң демократик, яшь үзенччәлекләренә туры килерлек сәнгать төре. Ул педагогик һәм психологик актуаль проблемаларны хәл итәргә булыша. Алар әхлак тәрбиясе бирергә , коммуникатив шәхес формалаштырыга, күзаллау, фантазия, инициатива, фикер йөртүгә, туган телне яратырга ярдәм итә. Театральләштергән шөгыльләр аша балалар образлар, тавыш, буяу аркылы әйләнә-тирә белән танышалар.Театраль чара аша бала яңа хисләр, белемнәр, күнекмәләр, матур әдәбиятка кызыксыну, сүз байлыгы, сөйләм телен үстерү зәвык һәм әхлак тәрбиясе алалар.