Кәгазь заманалар үтте, электрон заманалар җитте... Кичә Чалманарат төп гомуми белем бирү мәктәбендә педагогик кадрларның аттестация  узулары турында директор яны киңәшмәсе узды. Аттестация узучы педагогларны аттестация үтү тәртибе белән директор урынбасары Варина Гөлназ Сагировна таныштырды, һәр педагог үзенең шәхси кабинетыннан кереп, аттестация өчен кирәкле кәгазьләрне электрон рәвештә генә кураторга җибәрүен искәртте

1 апрельдән 4 апрельгә кадәр Чалманарат төп гомуми белем бирү мәктәбендә биология атналыгы уздырылды. “Сыерчыкка – бүләккә” акциясендә 5 класс укучылары актив катнаштылар. Атналык кысаларында дару үләннәрең кайбер төрләрен җыю да бар иде. Каен һәм нарат бөресе җыюда 5, 6 класс укучыларына тиңнәр табылмады.

Бүген Чалманарат төп гомуми белем бирү мәктәбендә “Кошлар көне” уздырылды. “Кошлар көне”нә багышлап ясалган рәсемнәргә нәтиҗә чыгарылды. 5 нче класс укучылары рәсем конкурсында бик актив катнаштылар, аларга киләчәктә дә зур уңышлар телибез. “Кошлар – безнең дусларыбыз" дигән интеллектуаль уенда 4 команда катнашты. 

2 апрельдән Яшьлек мәдәни үзәгендә Мостафин Рим Гаянович истәлегенә багышланган кинофестиваль башланып китте. Чалманарат мәктәбенең 9 нчы сыйныф укучысы Сарварова Лилиянең “Авылым кешеләре” дигән җырына төшерелгән клибын да тамашачы хозурына тәкъдим иттеләр. 

5 һәм 6 класс укучылары "Страна талантов" дип исемләнгән Бөтенроссия олимпиадасының 1 турында катнашып, бүләкләр алдылар һәм алар аңа бик сөенделәр: кемгә диплом, кемгә ручка, кемгә блокнот! Олипиаданың 2 турында да катнаштылар. Хәзер нәтиҗәсен көтәләр.
-- 

5 класс укучылары дүртесе дә, 6 класстан 2 укучы, 8 класстан 2 укучы, 3 класстан 1 укучы, барлыгы 9 укучы халыкара "Көнгерә" уенында катнашты.
 

Мәктәптә "Сыерчык оясы" акциясе уздырылды. Оялар бик матур итеп, зур тырышлык куеп эшләнгән. Бигрәк тә Имамов Сирин, Фархетдинова Ләйләнең сыерчык оялары иң яхшы дип табылды. Сыерчык ояларын укучылар технология укытучысы Марданов Әфка Муллаянович белән мәктәп бакчасына элеп тә куйдылар

19 нче март көнне башлангыч сыйныф укучылары арасында Габулла Тукай иҗатына багышланган район шигырь бәйгесе үткәрелде. Жюри бөек шагыйребез шигырьләрен иң сәнгатьле сөйләүчеләрне сайлап алды. Чалманарат төп гомуми белем бирү мәктәбеннән зона буенча 1 урынны алган 3 нче класс укучысы Манихова Адилә, 4нче класс укучысы Яхин Имилләр  районда да уңышлы чыгыш ясадылар.

“Язгы  мәрхәмәтлелек  атнасы”. Актаныш  районында  мәрхәмәтлелек  атнасы.Район  мәктәпләрендә  төрле  чаралар уздырыла. Шуларның берсе  бүген  Актаныш  районының  Балалар  иҗат  үзәгендә уздырылды. Район  мәктәпләре  укучылары куллары белән эшләнгән  эшләр  җыелды. Аларны  сатудан  алынган керем иганәчелеккә  китәчәк . Чалманарат  укучылары да бу  чарада  бик  теләп  катнаштылар.

 Актаныш мәдәният сараенда "Йолдызлык - 2015" конкурсының икенче туры узды. Безнең мәктәп укучылары анда уңышлы чыгыш ясап кайттылар.