Хөрмәтле Илдар Сәетҗан улы, Сезне  күркәм юбилеегез  белән чын күңелдән котлыйбыз.

   Күп еллар  балаларга аң-белем биреп кенә калмыйча, дистәләгән еллар җитәкчелек дилбегәсен кыю тотучы, үз һөнәрен чын күңелдән яраткан Илдар абыйның тирән белемле булуы, бай тәҗрибәсе сокланырлык, үрнәк алырлык. Сезгә озак елларга җитәрлек сәламәтлек, бетмәс энергия телибез. Янәшәгездә һәрчак тугры дусларыгыз, ышанычлы хезмәттәшләрегез булсын. Якыннарыгыз сезне сөендереп яшәсеннәр. Уңышлар, куанычлы көннәр, бәхетле мизгелләр насыйп булсын Сезгә!

Иң изге теләкләр белән Әтәс мәктәбе коллективы, профсоюз комитеты.

4 нче октябрь көнне Әлфия Авзалова исемендәге мәдәният сараенда "Укытучылар бәйрәме" билгеләп үтелде. Мәктәбебезнең физика, информатика укытучысы Фатыйхова Д.Ә., физик тәрбия укытучысы Хабибуллин А.Д.әлеге чара барышында бүләкләнеп сәхнәгә күтәрелделәр. 

Бүген укучылар һәм укытучылар коллективы авылыбыз мәктәбе һәм балалар бакчасында фидакарь хезмәтләрен куйган өлкәннәребезне хөрмәтләделәр.
Балалар катнашында бәйрәм иртәсе , музыкаль котлаулар оештырылды, бәйрәм чарасы чәй  табыны янында дәвам итте.

"Алтын көз" кроссында катнашып, зур җиңүләр яулаган укучыларга Фирдәвис Шәемов фотосы төшерелгән бик үзенчәлекле дипломнарны, медальләр белән бергә, ияләренә Ф.Шәемов үзе тапшырды.

Фирдәвис Шәемов призына 2009 елда Актанышта оештыра башлаган “Алтын көз” җиңел атлетик кросс быел да йөгерешчеләрне район үзәгенә җыйды. Җиңүче командага тапшырылып килүче күчмә кубокны, төп гомуми белем бирү мәктәпләре арасында, янәдән безнең Әтәс мәктәбе командасы яулады. Шул рәвешле безнең уучылар 2нчеел рәттән җиңел атлетика буенча үзәренең иң көчле команда икәнен исбат итүгә иреште. Остазлары Айдар Дамир улын һәм команданы зур уңышлары белән котлыйбыз!

26 сентябрь көнне районның тәрбия эшләре буенча директор урынбасарлары Яр Чаллы шәһәренең 35 мәктәп базасында семинарда катнаштылар. Семинар  темасы: "Единая методика социально-психологического тестирования  (ЕМ СПТ) : особенности методики и возможности  ее использования". Безнең мәктәптән әлеге семинарда Галиева Л.И катнашты.

Сентябрь аенда республикада һәм район эчендә ГИБДД катнашында “Игътибар-балалар!» операциясе бара. Балалар һәм яшүсмерләр арасында юл йөрү кагыйдәләрен төгәл үтәүне тәэмин итү, алар арасында аңлату эшләре алып бару өчен, 24 нче сентябрь көнне, 1-4 класс укучылары белән “ Юлда йөрсәң бул өлгер, юл кагыйдәләрен син бел!” дип исемләнгән класс сәгате үткәрелде. Класс җитәкчеләре Зимфира, Рәмилә апалары  балаларга юл да сак булу, юл йөрү кагыйдәләрен төгәл үтәү турында аңлатты. Юл йөрү кагыйдәләре буенча белемнәр уен-ярышта тикшерелде.