Каникул көннәрендә  9 класс укучылары  4 январь- тарих, җәмгыять, 5 январь- татар теле, 6 январь- химия, информатика, 8 январь- математика, 9 январь- рус теле фәннәреннән  дәүләт йомгаклау имтиханнары биреп карадылар.

 7 январь көнне районда узган Хакимият чыршы бәйрәмендә  безнең мәктәптән   8, 9 класс укучылары  Хәбибуллина Алинә, Хуҗина Айзилә катнашты.  Алдынгы укучыларыбызга Рәхмәт хаты һәм бүләкләр тапшырылды.

9 класс укучылары өчен график нигезендә фәннәр буенча консультацияләр үткәрелә.

29 декабрь көнне беренче яртыеллык нәтиҗәләре буенча педагогик киңәшмә үтте. Физика, математика укытучысы Фатыйхова Д.Ә. "Педагогның эшчәнлеге стандартлары һәм укытучыга куелган таләпләр" дигән темага чыгыш ясады. Класс җитәкчеләренең чыгышлары тыңланды, яртыеллык эшчәнлеккә нәтиҗә ясалды, алга бурычлар куелды.

Яңа ел белән барчагызны да!!!     Яңа ел Сезгә тынычлык һәм иминлек, уңышлар һәм байлык, бетмәс көч һәм энергия алып килсен, иң матур хыялларыгыз тормышка ашсын, бәхетле киләчәккә ышанычыгыз ныгысын. Сезгә бәхет, тугры дуслар, кызыклы идеяләр һәм яңа елда теләкләрегез чынга ашсын!

Икенче чирек йомгакланды.Укучыларга билгеләр аңлатылды, класс җитәкчеләре кышкы каникулга куркынычсызлык кагыйдәләре буенча инструктаж алдылар. Укучылар кышкы каникулга озатылды. Укучыларга күңелле яллар телибез!

Бүген 1-9 класс укучылары өчен " Хуш киләсең, Яңа ел"  дип аталган  бәйрәм үткәрелде.  Бәйрәм тамашасы  бик матур узды.

Бөек Җиңүнең 71 еллыгына багышланган  "Тормыш аллеясы" проектында катнашып, безнең мәктәп укучылары кедр һәм имән агачы орлыклары  утырттылар.

Казан шәҺәрендә үткәрелгән бер атналык  "Гаилә белеме" курсларында татар теле һәм әдәбияты  укытучысы Галиева Л.И. укып кайтты.

19 декабрь көнне "Бүләк" чаңгы трассасында кышкы спорт сезонын ачу буенча чаңгы ярышы үткәрелде. Бу чарада безнең мәктәп укучылары командасы катнашып, 1 нче урынны яулады. Котлыйбыз!